నాగచైతన్య ‘దుర్గ ’ గా వస్తున్నాడు

Posted: 02/07/2014 01:43 PM IST

అక్కినేని నాగచైతన్య నటించిన ‘ఆటోనగర్ సూర్య ’ సినిమాకు ఇంత వరకు మోక్షం లేకపోయినా, చైతూ మాత్రం కొత్త చిత్రాలు చేసుకుంటూ వెళుతున్నాడు. త్వరలో ఇతను ప్రేక్షకుల ముందుకు ‘దుర్గా ’ గా రాబోతున్నాడు. నాగార్జునకు ఆప్త మిత్రుడు, దర్శకుడు అయిన శ్రీనివాస్ రెడ్డి దర్శకత్వంలో సినిమా ప్రారంభోత్సవం హైదరాబాద్ లోని అన్నపూర్ణ స్టూడియోలో జరిగింది. ఈ సినిమాకు ‘దుర్గా ’ అనే టైటిల్ ని ఖరారు చేశారు.

ఈ సినిమా ప్రారంభోత్సవానికి ముఖ్య అతిథిగా రామానాయుడు వచ్చి తొలిషాట్ కి క్లాప్ ఇవ్వగా, వి.వి. నాయక్ గౌరవ దర్శకత్వం వహించాడు. ఈ సినిమా లో మాస్ అండ్ యాక్షన్ కాకుండా కావాల్సినంత కామెడీ కూడా ఉంటుందని, నాగార్జునకు ‘శివ ’ లాగ చైతూకి ‘దుర్గా ’ ల్యాండ్ మార్క్ అవుతుందని నిర్మాత సి. కల్యాణ్ అన్నారు. చూద్దాం ఈ సినిమా అయినా సకాలంలో పూర్తి చేసుకొని ప్రేక్షకుల ముందుకు వస్తుందో లేదో ?