సారీ చెప్పిన ఎన్టీఆర్

Posted: 02/06/2014 06:12 PM IST

యంగ్ టైగర్  జూనియర్ ఎన్టీఆర్ సారీ చెప్పిన విషయం ఇప్పుడు ఫిలింనగర్లో హల్ చల్ చేస్తుంది.  అయితే  జూనియర్ ఎన్టీఆర్ సారీ చెప్పింది ఎవరికో కాదులేండి.. ఇటీవల  ప్రిన్స్ మహేష్ బాబు .. ‘1’ సినిమా చేసి చేతులు కాల్చుకున్న దర్శకుడు సుకుమార్ కు సారీ చెప్పినట్లు సమాచారం. అంతేకాకుండా  దర్శకుడు సుకుమార్ తో  ఏ సినిమా చేయకూడదని  నిర్ణయించుకున్నట్లు సమాచారం.  

అయితే  ఎన్టీఆర్ ఏదో తప్పు చేసి   దర్వకుడికి  సుకుమార్ కు సారీ చెప్పలేదు. కానీ ఇటీవల సుకుమార్ దర్శకత్వంలో  ఎన్టీఆర్ సినిమా చేస్తున్నట్లు   సినిమా వార్తలు వచ్చిన విషయం తెలిసిందే.  అందుకు నిర్మాత బి.వి.ఎస్.ఎన్.ప్రసాద్  కూడా ఎన్టీఆర్ , సుకుమార్లతో సినిమా  ఏప్రిల్ లో ఉంటుందని  ప్రకటన చేయటం జరిగింది.  అయితే వీరి మద్య ఏం జరిగిందో తెలియదు గానీ,  ఎన్టీఆర్ తన మనస్సు మార్చుకోని, సుకుమార్ తో సినిమా చేయటం లేదని చెప్పినట్లు సమాచారం.  

అంతేకాకుండా.. సుకుమార్  స్థానంలో..  సురేందర్ రెడ్డితో సినిమా చేస్తున్నట్లు ఫిలింనగర్ సమాచారం.  గతంలో  ఎన్టీఆర్  సురేందర్ రెడ్డి దర్శకత్వంలో  ‘ఊసరవెల్లి, అశోక్ ’ సినిమాలు వచ్చిన విషయం తెలిసిందే.  ఆ అనుభవంతోనే.. ఎన్టీఆర్ సురేందర్ రెడ్డికి అవకాశం ఇచ్చినట్లు సమాచారం.