మహేష్ బాబు ఫ్యాక్షనిజం

Posted: 01/06/2014 03:53 PM IST

మహేష్ బాబు శీను వైట్ల కాంబినేషన్లో ఇది వరకు వచ్చిన ‘దూకుడు ’ సినిమా ఎంత పెద్ద ఘన విజయాన్ని సాధించించో చెప్పాల్సిన అవసరం లేదు. ఆ నమ్మకంతోనే శీనువైట్లతో మరో సినిమా చేస్తున్నాడు మహేష్. ఇప్పటి వరకు వెండితెర పై రొమాంటిక్ అండ్ యాక్షన్ సినిమాల్లో నటించి ప్రేక్షకులను అలరించాడు. కానీ ఇప్పుడు వీరిద్దరి కాంబినేషన్లో వస్తున్న ‘ఆగడు ’ సినిమాలో మహేష్ ని పక్కా మాస్ గా చూపించబోతున్నాడని, ఈ సినిమా మొత్తం సీమ ఫ్యాక్షనిజం బ్యాక్ డ్రాప్ లో సాగుతుందని ఫిలింనగర్ సమాచారం.

గతంలో చాలా మంది హీరోలు ఫ్యాక్షనిజం పేరుతో చేసిన సినిమాలు బ్లాక్ బస్టర్ హిట్లు సాధించినవి ఉన్నాయి. అంతే కాకుండా చాలా మంది దర్శకులు నమ్ముకున్న ఈ ఫార్ములా బాగా వర్కౌట్ కావడంతో శీనువైట్ల కూడా ఇదే ఫార్ములాను ఫాలో అవుతున్నాడని అంటున్నారు. ఇప్పటి వరకు కామెడీ, రొమాంటిక్ కథల్ని తెరకెక్కించిన శీను వైట్ల ఫ్యాక్షనిజం పేరుతో మహేష్ పై ప్రయోగం చేస్తున్నాడని అంటున్నారు. ఈ స్టోరీ మొత్తం అనంతపురం తాడిపత్రి గ్రామం బ్యాక్ డ్రాపే కావడంతో , దీనికి సంబంధించిన సన్నివేశ్నాల్ని గుజరాత్ లో సెట్స్ వేసి చిత్రీకరిస్తున్నారు.

తొలిసారి పూర్తి స్థాయి మాస్, ఫ్యాక్షనిజం ఆధారంగా వస్తున్న ఈ సినిమా పై ప్రేక్షకుల్లో ఇప్పటికే భారీ అంచనాలు ఉన్నాయి.