చిలిపి చేష్టల ఎన్టీఆర్

Posted: 12/23/2013 04:00 PM IST

ప్రతివాళ్ళకీ చిన్నతనంలోని కొన్ని అనుభవాలు గుర్తుకు వస్తే సరదా అనిపిస్తుంది. అందులోనూ చిన్నప్పుడు కొంటె వేషాలు వేస్తే మరీను.

 

జూనియర్ ఎన్టీఆర్ అందుకు మినహాయింపేమీ కాదు. ఆయన వేసిన కోణంగి వేషాలకు లెక్కే లేదట. కాలేజ్ లో చదివేటప్పుడు చేసిన గలాటా అంతా ఇంతా కాదట. స్కూల్లో కూడా చదువంటే ఇష్టం లేకపోవటంతో ఎన్టీఆర్ చేసిన చిలిపి చేష్టలకు విసుగుచెందిన తల్లిదండ్రులు ఆయనను గుంటూరు విజ్ఞాన్ కాలేజ్ లో ఇంటర్ మీడియేట్ లో చేర్పిస్తే ఆ వాతావరణం పడని ఎన్టీఆర్ అక్కడి నుంచి ఎలాగైనా తప్పించుకోవాలని కాలికి దెబ్బ తగిలించుకుని హాస్పిటల్ పాలయ్యారట.

 

అయినా సరే దెబ్బ తగ్గిన తర్వాత మళ్ళీ అక్కడే చదువుకోవలసిరావటంతో విసుగు చెందిన ఎన్టీఆర్ కాలేజ్ యాజమాన్యానికే విసుగు వచ్చేట్టుగా చేసారట. ఆగ్రహించిన ప్రిన్సిపాల్ రత్తయ్యగారు ఎన్టీఆర్ ని క్యాంపస్ లోంచి బయటకు పంపించేయగా హైద్రాబాద్ తిరిగి వచ్చేసారట ఎన్టీఆర్.

 

అయితే ఎన్టీఆర్ చదువునైతే పూర్తిచేసారనుకోండి. హైద్రాబాద్ సెయింట్ మేరీ కాలేజ్ లో ఇంటర్ రెండు సంవత్సరాలూ పూర్తి చేసారట. అయితే చదువు అంతటితోనే ఆగిపోయిందనుకోండి.

 

ఈ విషయాలను ఎన్టీఆర్ స్వయంగా చెప్తూ ఆ సందర్భాలను గుర్తు చేసుకుని, నన్ను కాలేజ్ లోంచి బయటకు పంపించేసారోచ్ అని చెప్పటం విశేషం.

 

-శ్రీజ