మొదటి లవర్ ఓకే అంటే... రెండో లవర్ ‘నో ’ అంది

Posted: 12/16/2013 02:56 PM IST

సినిమా హీరో, హీరోయిన్లు ఎప్పుడు ఎవరి ప్రేమలో పడతారో తెలియదు. ఇవాళ ఒకరితో ఉంటే రేపు మరొకరితో ఉంటారు. డ్రెస్సులు మార్చినంత ఈజీగా లవర్లను మార్చే ఈ సినిమా వాళ్ళు ఎప్పుడు విడిపోతారో తెలియదు. ఇటీవల కోలీవుడ్ హీరో శింబు, హన్సికలు పీకల్లోతు ప్రేమలో మునిగి, ఫుల్లుగా ఎంజాయ్ చేసి ఇటీవలే విడిపోయిన విషయం తెలిసిందే.

అప్పటి నుండి దూరంగా ఉంటున్న హన్సికను ప్రస్తుతం శింబు - నయనతార జంటగా నటిస్తున్న చిత్రంలో నటించమని అడిగితే తిరస్కరించిందట. మొదట నయనతారతో గాఢమైన ప్రేమలో మునిగిన శింబు ఆ తరువాత ఆమెను వదిలి హన్సికను పట్టాడు. మళ్ళీ ఇప్పుడు నయనతార చెంత చేరడంతో ఆగ్రహించిన హన్సిక శింబుతో చస్తే చేయనని శపథం పూని, ఇప్పుడొచ్చిన ఆఫర్ ని తిరస్కరించిందని అంటున్నారు.

ఈ నెల 20 నుంచి పాండిరాజ్ దర్శకత్వంలో తాను నటించడానికి సిద్ధం అవుతున్నట్లు చెప్పారు. ఇందులో ఒక హీరోయిన్‌గా నయనతార నటిస్తున్నారు.  వీరి మధ్య సన్నివేశాల చిత్రీకరణ జనవరి నుంచి ప్రారంభం అవుతుంది అని పేర్కొన్నారు. ఇందులో మరో హీరోయిన్‌గా హన్సికను నటింప చేసే ప్రయత్నాలు జరిగాయట.

హన్సికతో విడిపోయిన తరువాత నయనతో మళ్లీ ప్రేమాయణం మొదలు పెట్టాడని , అందుకే హన్సిక తిరస్కరించిందని అంటున్నారు. హన్సిక తిరస్కరించడంతో మరో హీరోయిన్ వేటలో పడ్డారు సదరు చిత్ర యూనిట్ వర్గాలు.