భారీగా పెంచిన త్రివిక్రమ్

Posted: 10/04/2013 08:59 PM IST

Director trivikram demand of rs 12cr remuneration

ప్రస్తుతం మన తెలుగు సినిమా ఇండస్ట్రీలో స్టార్ హీరోల సినిమాల కలెక్షన్లు బాలీవుడ్ సినిమా రేంజ్ లో దూసుకుపోతూ తెలుగు ఇండస్ట్రీలో ఉన్న రికార్డులను పటాపంచలు చేస్తున్నాయి. దీనికి ఉదాహారణ ‘అత్తారింటికి దారేది ’ సినిమా వసూలు చేస్తున్న కలెక్షన్లే. గతంలో మహేష్, చరణ్, ఎన్టీఆర్ సినిమాలు యాభై కోట్ల మార్కును దాటాయి. ఈ స్టార్ హీరోల సినిమాలు సాధిస్తున్న వసూళ్ళను చూసి కాబోలు దర్శకులు కూడా భారీగా రెమ్యునరేషన్ తీసుకుంటున్నారు. ఇప్పటి వరకు టాలీవుడ్ లో రాజమౌళి ఎక్కువ రెమ్యునరేషన్ తీసుకుంటుంటే ఆయన తరువాత స్థానానికి త్రివిక్రమ్ వచ్చి చేరాడు.

‘జల్సా , జులాయి ’ లాంటి సినిమాలు తీసి కమర్షియల్ దర్శకుడిగా పేరు తెచ్చుకున్న త్రివిక్రమ్ ఇప్పుడు 12 కోట్లు తీసుకుంటున్నట్లు టాలీవుడ్ వర్గాల సమాచారం. ఇప్పటి వరకు 8 కోట్లు తీసుకున్న ఈ మాటల మాంత్రికుడు ఇక చేయబోయే సినిమాకు అంత డిమాండ్ చేస్తున్నాడట. అయినా నిర్మాతలు ఇవ్వడానికి ఏ మాత్రం వెనకాడటం లేదని అంటున్నారు. ఇప్పటికే ఎన్టీఆర్, చరణ్ తో సినిమాలు చేసే ఆలోచనలో ఉన్న త్రివిక్రమ్ వీరి సినిమాలకు పన్నెండు కోట్లకు రూపాయి కూడా చూసుకుంటున్నాడట. ఇప్పటికే ప్రముఖ నిర్మాత దిల్ రాజు లాంటి వాళ్లు అడ్వాన్స్ పెట్టడాటనికి రెడీగా కూడా ఉన్నాడని అంటున్నారు. ఒక చిన్న సినిమాకు అయ్యేంత బడ్జెట్ ను రెమ్యునరేషన్ గా తీసుకుంటుంటే ఇక చిన్న సినిమాలను బతికిద్దామనే వారి పరిస్థితి ఏంటో ?