చరణ్ మరో రీమేక్ లో

Posted: 09/06/2013 06:41 PM IST

రామ్ చరణ్ మనస్సు రీమేక్ చిత్రాల పైకి మళ్లినట్లుంది. ఇప్పటికే బాలీవుడ్ సూపర్ స్టార్ నటించిన ‘జంజీర్ ’ సినిమా ను బాలీవుడ్ లో రీమేక్ చేసి అక్కడ ఎంట్రీ ఇచ్చిన చరణ్ ఇప్పుడు టాలీవుడ్ లో తన తండ్రి ఒకప్పుడు నటించి సూపర్ హిట్ సాధించిన ‘గ్యాంగ్ లీడర్ ’ చిత్రాన్ని రీమేక్ చేయాలనే ఆలోచనలో ఉన్నాడు. గతంలో ఈ చిత్రాన్ని రీమేక్ చేస్తారనే వార్తలు కూడా వచ్చాయి. నేడు విడుదల అయి డివైడ్ టాక్ తెచ్చుకున్న జంజీర్ సినిమా సందర్భంగా మీడియాతో మాట్లాడుతూ... తెలుగులో మా డాడీ నటించిన ‘గ్యాంగ్ లీడర్  ’ చిత్రమంటే చాలా ఇష్టమని, దానిని రీమేక్ చేస్తానని, మంచి దర్శకుడు దొరికితే సెట్స్ పైకి ఎక్కించడానికి ఆలస్యం ఏమీ లేదని అన్నాడు. ‘వడ్డించే వాడు మనవాడైతే బంతిలో ఎక్కడ కూర్చుంటే ఏమీ అన్నట్లు ’ తన తండ్రి సినిమానే తను ఎప్పుడు కావాలంటే అప్పుడు రీమేక్ చేసుకోవచ్చు. మరి నేడు విడుదలైన జంజీర్ అంతగా అచ్చి రాలేదు మరి గ్యాంగ్ లీడర్ పరిస్థితి ఏమౌవుతుందో ?