విలన్ గా మారిన హీరో జగపతి బాబు

Posted: 08/05/2013 03:01 PM IST

టాలీవుడ్ లో సీనియర్ నటుడిగా కొనసాగుతున్న ఒకప్పటి ఫ్యామిలీ చిత్రాల హీరో అయిన జగపతి ఆ మధ్య హీరోయిన్ ప్రియమణితో ఎఫైర్ నడిపిస్తున్నాడనే వార్తలు వచ్చాయి. వీటి ప్రభావమో లేక టాలీవుడ్ లో పెరిగిన కాంపిటీషనో కానీ ఈ మధ్య టాలీవుడ్ లో బొత్తిగా అవకాశాలు లేకుండా  పోయాయి. దాంతో ఇతను భాషా బేధం లేకుండా  గెస్టు పాత్రలు కూడా వేస్తున్నాడు. ఆ మధ్య ఇతను తమిళ సినిమాలో కూడా నటించాడు. ఇప్పుడు తాజాగా నందమూరి నట సింహం బాలయ్య, బోయపాటి శ్రీను దర్శకత్వంలో రూపొందుతున్న ‘రూలర్ ’ సినిమాలో జగపతిబాబు విలన్ గా కీలక పాత్ర పోషించడానికి అంగీకరించినట్టు తాజా సమాచారం. ఈ సినిమాలో విలన్ పాత్ర జగపతి బాబుకు అయితే కరెక్టుగా సూటవుతుందని భావించి బోయపాటి ఆయనకు పాత్ర గురించి చెప్పడంతో వెంటనే ఒప్పేసుకున్నాడని సమాచారం. అసలే అవకాశాలు లేక ఖాళీగా ఉన్న జగపతి బాబుకు ఈ అవకాశం రావడంతో తెగ సంతోషపడుతున్నాడని అంటున్నారు. హీరో స్థాయి నుండి విలన్ స్ధాయికి దిగిన జగపతి విలన్ గా ఏ మేరకు రాణిస్తాడో చూడాలి.