పవన్ మెహర్ రమేష్ తో సినిమానా ?

Posted: 06/10/2013 06:30 PM IST

పవర్ స్టార్ పవన్ కళ్యాణ్ కి ఎంత ఫ్యాన్ ఫాలోయింగ్ ఉందో మనందరికి తెలిసిన విషయమే. ఈయన గురించి ఏ చిన్న వార్త వచ్చినా ఫ్యాన్స్ తెగ హైరానా పడిపోతుంటారు. తాజాగా ఫిలిం నగర్ వర్గాల్లో నుండి ఈయన పై ఓ రూమర్ వినిపిస్తొంది దీన్ని విని ఆయన ఫ్యాన్స్ షాకయ్యారు. విషయం ఏంటయ్యా అంటే.. అసలే దాదాపు పది సంవత్సరాల తరువాత గబ్బర్ సింగ్ తో హిట్ బాట పట్టిన పవన్ కళ్యాణ్ ఇప్పుడు దూసుకుపోతున్న విషయం తెలిసిందే. అయితే ఈయన వరుస చిత్రాల ఫెయిల్యూర్ దర్శకుడిగా పేరు తెచ్చుకున్న మెహర్ రమేష్ దర్శక్వంలో ఓ సినిమాకు కమీట్ అయ్యాడనే వార్తలు విని తట్టుకోలేక పోతున్నారు. ఇప్పటికే కంత్రి,భిళ్లా,శక్తి, షాడో అంటూ బడా హీరోలతో సినిమాలు తీసి, నిర్మాతలను నిండా ముంచిన మెహర్ రమేష్ పవన్ కళ్యాణ్ ని ఓ కథ చెప్పి ఒప్పించాడని అంటున్నారు.

‘నాక్కొంచెం తిక్కుంది, దానికో లెక్కుంది ’ అనే టైపు లో పవన్ కళ్యాణ్ ప్రవర్తిస్తుంటాడు. సినిమా దర్శకుల జయాప జయాల గురించి పట్టించుకోకుండా ఇలాంటి దర్శకులకు అవకాశాలు ఇస్తుంటాడు. ఇప్పుడు కూడా పుసుక్కున ఆఫర్ ఇచ్చాడేమోనని ఆందోళన చెందుతున్నారు. అంతే కాకుండా మెహర్ రమేష్ కి మెగా ఫ్యామిలీతో ఉన్న సంబంధం కూడా ఓ కారణమే అంటే అంటున్నారు. పవన్ కళ్యాణ్...త్రివిక్రమ్ దర్శకత్వంలో చిత్రం చేస్తున్నారు. ఆ చిత్రం అనంతరం గబ్బర్ సింగ్ 2 చేస్తాడని చెప్తున్నారు. సంపత్ నంది దర్శకత్వంలో ఆ చిత్రం రూపొందనుంది. కానీ ఆయన వీరాభిమానులు మాత్రం పవన్ అలాంటి పని చేయడని గట్టిగా నమ్ముతున్నారు. ఏదేమైనా పవన్స్ ఫ్యాన్స్ ని ఈ వార్త ఖంగారు పెడుతుంది.