బాలక్రిష్ణకు హీరోయిన్లు కరువు

Posted: 06/04/2013 06:00 PM IST

నందమూరి నట సింహం బాలయ్య తన సినిమాల సంఖ్యను సెంచరీకి చేర్చాలనే తపనలో ఆ మధ్యన వరుస సినిమాల్లో నటించాడు. కానీ ఒక్క శ్రీరామ రాజ్యం తప్ప  ఏది హిట్టు కాకపోవడంతో ఆచితూచి కథలను ఎన్నుకుంటున్నాడు. గతంలో తనకు హిట్ ఇచ్చిన సింహా దర్శకుడు బోయపాటి శీనుతో ఓ చిత్రం చేయడానికి కమిట్ అయ్యాడు. ఈ చిత్రం ఎన్నడో పట్టాలు ఎక్కాల్సి ఉన్నా బాలయ్య రాజకీయాల్లో బిజీ కావడంతో షూటింగు ప్రారంభం కాలేదు. తాజాగా రెండు రోజుల క్రితమే ఈ సినిమాకు సంబంధించిన పూజా కార్యక్రమాలు నిర్వహించారు. రెగ్యులర్ షూటింగ్ ఈనెల 10 నుండి ప్రారంభం కాబోతుంది. ఇంత వరకు బాగానే ఉన్నా, ఈ సినిమాలో బాలయ్య సరసన నటించే హీరోయిన్ ని ఎంపిక చేయలేదు. ఈయనకు సరిపోయే హీరోయిన్లు లేకపోవడం ఒకటైతే, నడివయస్సు పై బడిన హీరో చేయడానికి ఏ అమ్మడు ముందుకు రావడం లేదట. దీంతో దర్శక నిర్మాతలు ముమ్మర వేటను సాగిస్తున్నారు. పనిలో పనిగా బాలీవుడ్ ముద్దుగుమ్మలను కూడా సంప్రందించే పనిలో ఉన్నారు. విద్యాబాలన్ అయితే బాలయ్య సరసన బాగుంటుందని భావించి ఆమెను సంప్రదించబోతున్నారట. ఇటీవలే పెళ్ళి చేసుకున్న ఈ ఆంటీ గనుక బాలయ్య సరసన నటించడానికి ఒప్పుకోకపోతే బాలయ్యకు హీరోయిన్స్ దొరకడం కష్టమే అంటున్నారు.