త్వరలో క్రేజీ కాంబినేషన్

Posted: 05/09/2013 10:29 AM IST

ఫిలింనగర్లో ఎప్పుడు ఏదో ఒక పుకారు వినబడుతూనే ఉంటుంది. ఆ వార్తల్లో ఏది నిజమో ఏది అబద్దమో తెలుసుకునే లోపే ఆ వార్త మరుగున పడిపోతుంది. తాజాగా ఇప్పుడు మరో వార్త ఫిలింనగర్ లో సంచరిస్తుంది. ప్రముఖ దర్శకుడు, మాటల మాంత్రికుడు త్రివిక్రమ్ శ్రీనివాస్ దర్శకత్వంలో యంగ్ టైగర్ ఎన్టీఆర్ నటించబోతున్నాడని అంటున్నారు. ఈ మేరకు వీరిద్దరి మద్య కథా చర్చలు కూడా సాగాయని, త్వరలోనే దీని పై ఓ అధికారిక ప్రకటన వెలువనుందని అంటున్నారు. ఇక ప్రస్తుతం త్రివిక్రమ్ పవన్ కళ్యాణ్ తో సినిమా బిజీలో ఉన్నాడు. ఈ సినిమా తరువాత పవన్ కళ్యాణ్ రాసుకున్న సొంత కథ ‘కోబలి ’ టైటిల్ తో  రానున్న సినిమాకు  త్రివిక్రమ్ దర్శకత్వం వహించబోతున్నాడు. ఈ రెండు చిత్రాల తరువాత త్రివిక్రమ్ శ్రీనివాస్ జూనియర్ ఎన్టీఆర్ తో సినిమా చేస్తాడని అంటున్నారు. గతంలో ప్రముఖ నిర్మాత అయిన కె.ఎల్ నారాయణ నిర్మాణంలో త్రివిక్రమ్, జూనియర్ కాంబినేషన్ లో సినిమా రాబోతుందనే వార్తలు వచ్చాయి. కానీ అవి ఇంత వరకు కార్యరూపం దాల్చలేదు. అలాగే ఈ సినిమా పై కూడా అధికారిక ప్రకటన వచ్చే వరకు ఏది నిజమో కూడా చెప్పలేం. ఒకవేళ అదే నిజమైతే ఈ సినిమా అభిమానులకు మాత్రం పండేగే పండగ.