అక్కినేని అఖిల్ రాజమౌళి బ్యానర్ లో

Posted: 05/09/2013 01:42 PM IST

ప్రస్తుతం టాలీవుడ్ లో అగ్ర నటులుగా కొనసాగిన వారందరి కుమారులు ఒక్కొక్కరుగా వెండి తెర పైకి ఎంట్రీ ఇస్తున్నారు. ఇప్పటి వరకు మెగా ఫ్యామిలీ నుండి చాలా మందే హీరోలు వచ్చారు. ఇటు దగ్గుబాటి కుంటుంబం రాణా తెరంగ్రేటం చేశారు. అక్కినేని కుంటుంబం నుండి కూడా సుశాంత్, నాగచైతన్యలు ఎప్పుడో ఇచ్చారు. ఇప్పుడు ఆ కుంటుంబలో మిగిలింది నాగ్ -అమల కుమారుడు అఖిల్. ఈయన కూడా గత కొన్ని రోజుల నుండి తెలుగు తెర పై ఎంట్రీ ఇస్తాడనే వార్తలు వస్తున్న విషయం తెలిసిందే. అయితే ఈయన ఎంట్రీ ఎప్పుడు ? ఏ దర్శకుడి చేతిలో వెండి తెరకు పరిచయం కాబోతున్నాడు. ? అనే ప్రశ్నలు అక్కినేని అభిమానుల్ని వేధిస్తున్నాయి. అయితే ఈ ప్రశ్నలకు సమాధాం దొరికిందని అంటున్నాయి టాలీవుడ్ వర్గాలు. ఎప్పుడో చిన్నప్పుడు ‘ సిసింద్రి ’ గా తెలుగు ప్రేక్షకులను ఓ దఫా అలరించిన ఈయనను దర్శక ధీరుడు రాజమౌళి చేతిలో పెట్టేందుకు నాగ్ కుటుంబం ఆసక్తి చూపిస్తుందట. అంతే కాకుండా రాజమౌళి సొంత నిర్మాణ సంస్థ అయిన విశ్వామిత్ర క్రియేషన్స్ లో అఖిల్ ని వెండితెరకు పరిచయం చేయాలని రాజమౌళి ఆసక్తిగా ఉన్నాడట కానీ రాజమౌళికి అఖిల్ ని డైకెర్ట్ చేసేంత టైం లేకపోవడంతో ఈయన బాధ్యతలను ఆయన శిష్యులకు అప్పగించి, మొత్తం ఆయన పర్యవేక్షణ బాధ్యతలు తీసుకుంటానని నాగ్ కుటుంబానికి చెప్పాడట. దీనికి సమ్మతించిన నాగ్ అఖిల్ ని ఆయన చేతిలో పెట్టడానికి అంగీకరించినట్లు వార్తలు. అయితే దీనికి దర్శకుడు ఎవరనేది మాత్రం ఇంకా ఖరారు కాలేదు. ఏది ఏమైనా అఖిల్ దర్శక ధీరుడి చేతుల నుండి జాలు వారబోతున్నాడన్న మాట.