బూచోడు గా అల్లు వారి అబ్బాయి

Posted: 04/09/2013 12:14 PM IST

కిక్ , ఊసరవెల్లి చిత్రాలతో కాస్తంత స్టార్ ఇమేజ్ తెచ్చుకున్న దర్శకుడు సురేందర్ రెడ్డి తన తదుపరి చిత్రం స్టైలిష్ స్టార్ అల్లు అర్జున్ తో చేయనున్న విషయం తెలిసిందే. వీరిద్దరి కాంబినేషన్లో వచ్చే ఈ చిత్రానికి సంబంధించి ‘రేసు గుర్రం ’ అనే టైటిల్ ని ఖారారు చేసినట్లు వార్తలు వచ్చాయి. అయితే ఇప్పుడు తాజాగా ఫిలింనగర్ నుండి వినిపిస్తున్న వార్తల ప్రకారం ఈ చిత్రానికి 'బూచోడు' అనే ఓ వింత టైటిల్ ని ఖరారు చేసినట్లు వార్తలు వస్తున్నాయి. బన్నీ సినిమాకు ఈ టైటిల్ పెట్టడంతో అంతా ఆశ్చర్యపోతున్నారు. అయితే ఈ టైటిల్ కచ్చితంగా జనాల్లో ఆసక్తిని రేపుతుందని సినీవర్గాలు చెబుతున్నాయి. శ్రుతి హాసన్ ఈ సినిమాలో బన్నీ సరసన కథానాయికగా నటిస్తోంది. అయితే గతంలో ఎన్టీఆర్ సినిమాకు ‘ఊసరవెల్లి ’ అనే టైటిల్ పెట్టిన సురేందర్ రెడ్డి ఈ చిత్రానికి ఇలాంటి టైటిల్ పెట్టినా ఆశ్చర్యపోనక్కర్లేదని అంటున్నారు.