Posted: 12/25/2012 06:23 PM IST

డైలాగ్ కింగ్ మోహన్ బాబుకి ఈ మధ్యన మళ్ళీ నటన మీద మనస్సు పడిన విషయం తెలిసిందే. ఆయన హిందీలో అనీల్ కపూర్, నానా పటేకర్, అక్షయ్ కుమార్, కత్రినా కైఫ్  ప్రధాన పాత్రలను పోషించిన 'వెల్ కమ్' చిత్రాన్ని తెలుగులో రీమేక్ చేస్తున్న విషయం తెలిసిందే. ఈయన ఓ ప్రధాన పాత్రలో నటిస్తు, నిర్మిస్తున్న హిందీ చిత్రాన్ని తెలుగులో రీమేక్ చేస్తున్నాడు. ఈయనకు జంటగా శ్రీహరి కూడా నటిస్తున్నాడు. టాలీవుడ్ సినీ వర్గాల సమాచారం ప్రకారం మోహన్ బాబు సినిమాలో అక్కినేని నాగ చైతన్య నటించబోతున్నాడని సమాచారం. ఇందులో మొదటగా సునీల్ ని తీసుకోవాలని భావించినా, చివరి నిమిషంలో సునీల్ ని తప్పించి నాగచైతన్యను తీసుకున్నారని అంటున్నారు. నాగ చైతన్యకు కూడా పెద్దగా బిజీ షెడ్యూల్ లేకపోవడంతో ఈ సినిమాని అంగీకరించాడని అంటున్నారు. పూర్తి స్థాయి రీమేక్ గా వస్తోన్న ఈ సినిమా ప్రేక్షకులను ఎంత మేరకు అలరించగలదనేది వేచి చూడాలి.