Posted: 12/25/2012 12:44 PM IST

గబ్బర్ సింగ్ హిట్ తో మంచి ఫామ్ లోకి వచ్చిన సుందరి శ్రుతి హాసన్ ఓ బంపర్ ఆఫర్ కొట్టేసినట్లు వార్తలు. శ్రీను వైట్ల – మహేష్ బాబు కాంబినేషన్లో వచ్చిన సెన్సేషన్ హిట్ దూకుడు సినిమా టాలీవుడ్ సినిమా రికార్డులు బద్దలు కొట్టిన విషయం తెలిసిందే. మళ్ళీ వీరిద్దరి కాంబినేషన్లో ఓ సినిమాకి ప్లాన్ చేస్తున్నారు. ఈ సినిమాలో శ్రుతి హాసన్ ని తీసుకోవాలని నిర్ణయించినట్లు సమాచారం. ప్రస్తుతం ఎన్టీఆర్ త బాద్షా సినిమాని తెరకెక్కిస్తున్న శీను వైట్ల ఈ సినిమా తరువాత మహేష్ బాబుతో సినిమా ప్లాన్ చేస్తున్నట్లు సమాచారం. తెలుగులో ప్రస్తుతం రవితేజతో 'బలుపు', రామ్ చరణ్ తో 'ఎవడు' చిత్రాలను మాత్రమే అంగీకరించిన శ్రుతి హాసన్ బాలీవుడ్ సినిమాల్లో కూడా నటిస్తూ బిజీగా ఉంది. ఇక సూపర్ స్టార్ మహేష్  ప్రక్కన అవకాశం దక్కించుకున్న శ్రుతి మహేష్ చేతిలో నలిగి పోవడం ఖాయం అంటున్నారు. దీంతో శ్రుతి రేంజ్ మరింత పెరిగిందని అంటున్నారు.