Posted: 12/18/2012 01:33 PM IST

       'హ్యాపీడేస్' తర్వాత వరుణ్ సందేశ్, సోలో హీరోగా నిలదొక్కుకోవడానికి తన వంతు ప్రయత్నాలు బాగానే చేశాడు. ఈ నేపథ్యంలో ఆయన చేసిన 'కొత్త బంగారు లోకం' సినిమా మంచి విజయాన్ని సాధించింది. ఇక ఆ తరహా సినిమాలను చేస్తూ ... అదే ఊపును కొనసాగించడానికి వరుణ్ సిద్ధమై పోయాడు. కానీ, కాలం కలిసి రాకపోవడంతో, పరాజయాలతోనే కెరియర్ ను నెట్టుకొస్తున్నాడు. ఈ నేపథ్యంలో వరుణ్ క్రేజ్ తో పాటు అతని మార్కెట్ కూడా తగ్గు ముఖం పట్టింది. దాంతో తన స్థాయికి తగిన యువ హీరోలతో కలిసి నటించడానికి సైతం అతను సిద్ధపడుతున్నాడు. ఈ విధంగానైనా తెర మీద కనిపిస్తూ తన ఉనికిని చాటు కోవడం అవసరమని భావించిన అతను సందీప్ కిషన్ తో కలిసి 'డీ ఫర్ డీల్', 'వైభవ్ తో కలిసి 'ఉదయం' సినిమాల్లో నటిస్తున్నాడు. త్వరలోనే ఈ చిత్రాలు ప్రేక్షకుల ముందుకు రాబోతున్నాయి.

...avnk