Posted: 12/18/2012 11:03 AM IST

        రాత్రి ‘నాయక్’ ఆడియో ఫంక్షన్ లో రామ్ చరణ్ చేసిన దూకుడు ప్రసంగం.. వెంట్రుక భాష ఇప్పుడు హాట్ టాపిక్ అయికూర్చుంది. తమకు, తమ బాబాయ్ పవన్ కల్యాణ్ కు మధ్య విబేధాలున్నాయంటూ మీడియాలో వస్తున్న వార్తల మీద చరణ్ ఆగ్రహం మెగా ఫ్యాన్స్ సాక్షిగా కట్టలు తెంచుకుంది.
        ‘మా బాబాయ్ కు,  మాకు, మాఫ్యాన్స్ కు మధ్య ఉన్న  అనుబంధం ఓ పత్రికో, చానల్ ద్వారానో పోయేదికాదు’ అంటూ చరణ్ వ్యాఖ్యానించాడు. అంతేకాదు ఈ రాతలన్నీ నా వెంట్రుక కూడా పీకలేవంటూ’ చాలా ఎమోషనల్ అయ్యాడు.
      అయితే, చరణ్ లాంటి వ్యక్తి.. తెలుగు చలన చిత్ర రంగంలో చెరగని ముద్ర వేసిన ఓ మెగాస్టార్ వారసుడు.. ఇలాంటి అసభ్య పదజాలం వాడటం ఏంటని మీడియా కోడై కూస్తుంది. రకరకాల కథనాలు ప్రసారం చేస్తుంది.  ఎవరెన్ని విమర్శలు చేసినా చిరంజీవి ఏనాడూ సంయమనం కోల్పోలేదని అందుకే ఆయన మెగాస్టార్ అయ్యాడని గతాన్ని గుర్తుచేస్తుంది. చరణ్ కూడా దూకుడు మాని అందరినీ కలుపుకుపోవాలనీ.. తండ్రి పంథాను అనుసరిస్తేమంచిదని సలహాలిస్తోంది. అయితే.. ఈ అంశం చరణ్ విజ్ణతకే వదిలేయాలని మరో వర్గం అంటోంది.. 

...avnk