Posted: 09/11/2012 05:39 PM IST

       విజయనగరం విద్యకు నిలయమే కాకుండా ఇప్పుడు లోబడ్జెట్‌ చిత్ర నిర్మాతల కేంద్రంగా రూపు దిద్దుకుంటోంది. ఔత్సాహిక యువ నిర్మాతలు చిత్ర నిర్మాణ రంగంలోకి అడుగు పెడుతున్నారు. ఇప్పటికే కెకె మూవీ మేకర్స్‌ పతాకంపై బొద్దుల నర్సింగరావు ''ఐస్‌ ఐస్‌'' చిత్రాన్ని విజయనగరంలోనే ప్రారంభించి చిత్రీకరణ జరుపుతున్నారు. ఇందులో అంతా కొత్త నటీనటులే.  ఇదే కోవలో యూత్‌ ఫుల్‌ లవ్‌ స్టోరీ కధాంశంగా కాలేజీ వాతావరణం లో సాగే కధాంశంతో యువ నిర్మాత, స్వ్కేర్‌ ఇండియా సంస్థ యజమాని కోలగట్ల ప్రతాప్‌ కుమార్‌ తాజాగా ''3జి లవ్‌'' అనే టైటిల్‌తో సినిమా ని తెరకెక్కిస్తున్నారు. ఈ చిత్ర రెగ్యులర్‌ షూటింగ్‌  రేపటి నుంచి అంటే (ఈనెల 12) నుండి విజయ నగరంలో ప్రారంభిస్తున్నారు. ''3జి లవ్‌'' ఫిబ్రవరి 14 విడుదల ట్యాగ్‌ లైన్‌తో చిత్రం తెరకెక్కుతోంది.  వేలంటైన్‌ డే (ప్రేమికుల రోజు)కు అర్ధాన్ని నిర్వచించే విధంగా చిత్రం రూపొందనుంది.
       కొత్త నటీనటుల కోసం ఇచ్చిన పిలుపునకు 11,000 ధరఖాస్తులు అందాయని, వాటిలో ఆడిషన్స్‌ నిర్వహించి 12 మంది అమ్మాయిలను, 17 మంది అబ్బాయిలను ఎంపిక చేసి వారికి చిత్రపరంగా అవసరమైన శిక్షణ కూడా ఇవ్వడం జరిగిందన్నారు చిత్ర నిర్మాత వెల్లడించారు. నచ్చావులే సినిమాకు సంగీతం అందించిన శేఖర్‌చంద్ర చిత్రానికి సంగీతాన్ని సమకూర్చుతున్నారు. సినీ రచయితలు వనమాలి, రామజోగయ్య శాస్త్రి పాటలు అందిస్తున్నారు. ఈ చిత్రాన్ని ఫిబ్రవరి 14న విడుదల చేసేందుకు సన్నాహాలు చేస్తున్నారు.  వెంకటపతి దర్శకత్వం వహిస్తోన్న ఈ మూవీకి  కెమెరా సాయిశ్రీ రాం,  కొరియో గ్రాఫర్‌ మధు.

...avnk