Posted: 09/08/2012 05:34 PM IST

  అవును.. క్రియేటివ్ డైరెక్టర్ శేఖర్ కమ్ముల తన ‘లైఫ్ ఈజ్ బ్యూటిఫుల్’ చిత్రంలో నటించమని అమలను మూడు నెలలు బ్రతిమాలాడట. ఈ మాటలు అమల అక్కినేని స్వయంగా వెల్లడించారు. ఇంకా ఈ చిత్రం గురించి అమల ఏమన్నారంటే...
        ‘ఇరవై ఏళ్ల తర్వాత నన్ను నేను స్క్రీన్‌పై చూసుకుంటే చాలా ఆశ్చర్యంగా వుంది. మళ్లీ నటిస్తానని అనుకోలేదు. కానీ శేఖర్ నన్ను కలిసిన ప్రతిసారి నా పాత్ర గురించి చెబుతుండేవాడు. అతను నన్ను కన్విన్స్ చేయడానికి మూడు నెలలు పట్టింది. చివరగా కేవలం ఏడు రోజులు ఈ సినిమా కోసం కేటాయిస్తే చాలు అన్నాడు. అది నాకు బాగా నచ్చింది. అందుకే ‘లైఫ్ ఈజ్ బ్యూటీఫుల్’లో నటించడానికి అంగీకరించాను’. ఇరవై ఏళ్ల సుదీర్ఘ విరామం తర్వాత మళ్లీ నటించడం ఎలా వుంది అనడిగితే.. ఇరవై ఏళ్లు సినిమాల్లో నటించకపోయినా సినిమా పరిశ్రమకు మాత్రం నేను దూరమయ్యానని ఎప్పుడూ భావించలేదు. ఎందుకంటే మా కుటుంబంలోనే నటులున్నారు కాబట్టి. నేను శేఖర్ సినిమాలో నటిస్తున్నానన్న విషయం ఎవరికీ తెలియదు. చివరికి మా అమ్మకు కూడా. రషెస్ చూసిన తర్వాత చెబితే బాగుంటుంది అనుకున్నాను. రషెస్ చూసి నాగార్జున.. ఈ సినిమా చేస్తున్నానని నాకు ముందే ఎందుకు చెప్పలేదు? అన్నారు. కానీ ఆ తర్వాత కొన్ని సూచనలు చేశారు. ఇక ఆడియో రిలీజ్ ఫంక్షన్‌లో అమల అమ్మలా కాదు అక్కలా వుందని ఆయన నన్ను అభినందించిన విషయం మీకు తెలిసిందే.. అన్నది అందం తరగని అమల.
         ఇవండీ,,, కింగ్ నాగార్జున సతీమణి అమల చెప్పిన ముచ్చట్లు.. అన్నట్టూ ఈ చిత్రం ఈ నెల 14న ప్రేక్షకుల ముందుకురానుంది. చూడాలంటే చూడొచ్చుమరి..

...avnk