Posted: 08/20/2012 04:07 PM IST

       యంగ్ టైగర్ సినిమా రంగంలో వేసే ప్రతి అడుగు ఆచితూచి వేసేవే. యన్టీఆర్ చేసే సినిమాకు సంబంధించిన ప్రతి అంశం గురించి ఆరా తీసే మనస్తత్వం యంగ్ టైగర్ సొంతం. ఈ యంగ్ హీరో తన నెక్స్ట్ మూవీ ఇటీవల 'గబ్బర్ సింగ్' సినిమాతో పెద్ద దర్శకుల జాబితాలో చేరిపోయిన హరీష్ శంకర్ తో ఓ చిత్రాన్ని రూపొందించడానికి ఓకే అన్న సంగతి మనకు తెలుసు. దిల్ రాజు నిర్మించే ఈ సినిమాకి సంబంధించిన స్క్రిప్ట్ వర్క్ ప్రస్తుతం జరుగుతోంది. ఇదిలా ఉంచితే, నిర్మాత దిల్ రాజు తాజాగా 'జనగణమన' అనే టైటిల్ని ఫిలిం చాంబర్ లో రిజిస్టర్ చేశారు. దాంతో ఇది యన్టీఆర్- హరీష్ సినిమా కోసమే రిజిస్టర్ చేసి ఉంటారని టాలీవుడ్ లో ప్రచారం జరుగుతోంది. రాజకీయ నేపథ్యంతో రూపొందే ఈ చిత్రానికి గతంలో MLA అనే టైటిల్ అనుకున్న సంగతి మనకు తెలిసిందే. ప్రస్తుతం యన్టీఆర్ చేస్తున్న 'బాద్ షా' చిత్రం పూర్తయిన వెంటనే ఇది మొదలవుతుంది. ఇదే టైటిల్ నిర్ణయిస్తే చాలా క్యాచీగా ఉంటుందని బాద్ షా అభిమానులు ఆశపడుతున్నారు. ఇది నిజమౌతుందో లేదో వేచి చూడాలి..

..avnk