Posted: 08/09/2012 07:44 PM IST

      మెగాపవర్ స్టార్ రామ్ చరణ్ హీరోగా వినాయక్ తెరకెక్కిస్తోన్న చిత్రానికి 'చెర్రీ' అనే పేరు పెట్టే అవకాశమున్నట్టుగా నిన్నమొన్నటి వరకూ వార్తలు షికారు చేశాయి. ఈ నేపథ్యంలో ఈ సినిమా దర్శక నిర్మాతలైన వినాయక్ - డీవీవీ దానయ్య కలిసి 'నాయక్' అనే పేరును ఫిల్మ్ చాంబర్లో రిజిష్టర్ చేయించినట్టు తెలుస్తోంది. ఈ సినిమాలో చరణ్ ని లవర్ బాయ్ గా ... రొమాంటిక్ హీరోగా చూపించి ఉంటే 'చెర్రీ' అనే టైటిల్ సరిపోయి ఉండేదనీ, కానీ కథ ప్రకారం ఈ సినిమాకి 'నాయక్' అనే పేరే తగినట్టుగా ఉంటుందని చిత్ర వర్గాల విశ్వసనీయ సమాచారం. చరణ్ ద్విపాత్రాభినయం చేస్తోన్న ఈ సినిమాలో కాజల్ ... అమలాపాల్ కథానాయికలుగా కనువిందు చేయనున్నారు. మరి కొందరు మాత్రం ఈ టైటిల్ మెగాస్టార్ 150 వ చిత్రానిది కావొచ్చనే సందేహాన్ని వ్యక్తంచేస్తున్నారు.

..avnk