Posted: 08/10/2012 06:09 PM IST

             తెలుగు చిత్రసీమ‌లో రికార్డుల వ‌ర‌ద సృష్టించిన మెగా మూవీ ‘ఇంద్ర.  ఈ చిత్రానికి బి.గోపాల్ ద‌ర్శక‌త్వం వ‌హించగా  మెగా నిర్మాత  అశ్వినీదత్‌ భారీ వ్యయంతో నిర్మించారు. ఈ మూవీ నిర్మాత‌కు కాసుల వ‌ర్షం కురిపించిన విష‌యం తెలిసిందే. మళ్లీ తాజాగా ఈ చిత్రం బాలీవుడ్‌లో క‌లెక్షన్లు రాబ‌ట్టేందుకు సిద్ధం కానుంది. ఇప్పటికే ఈ చిత్రం పై హ‌క్కుల‌ని  ప్రముఖ బాలీవుడ్‌ దర్శకుడు, నిర్మాత సంజయ్‌ లీలాబన్సాలీ చేజిక్కించుకున్నారు. బ‌న్సాలీ తాజాగా విక్రమార్కుడు చిత్రాన్ని రౌడీరాథోడ్ పేరుతో ప్రభుదేవా ద‌ర్శక‌త్వంలో రూపొందించి విజ‌యం సాధించ‌టంతో నేడు తెలుగు పాత చిత్రాల‌పై త‌న దృష్టిసారించారు.
        ఈ చిత్రానికి స‌ల్మాన్ ఖాన్ స‌రిగా సరిపోతార‌ని భావించటంతో సల్లూభాయ్ ను సంప్రదించారని తెలుస్తోంది. స‌ల్మాన్‌కూడా ఈ చిత్రంలో న‌టించేందుకు ప‌చ్చజెండా ఊపిన‌ట్లు సమాచారం. ఇంతకుముందే ఈ విషయం వెలుగుచూసినప్పటికీ ప్రస్తుతం చిత్ర నిర్మాణం దిశగా అడుగులు పడుతున్నట్టు విశ్వసనీయ తెలుస్తోంది.

...avnk