Posted: 06/26/2012 12:57 PM IST

 ...

     ప్రముఖ దర్శకుడు రాజమౌళి ఈగ విడుదలమీద నెలకొన్న అనుమానాలు ఇవాళ్టితో పటాపంచలయ్యాయి. రిలీజ్ కు సంబంధించి ఈ చిత్ర పురోగతిని వివరిస్తూ కొన్ని రోజులుగా రాజమౌళి ప్రోగ్రెస్ రిపోర్డులు విడుదల చేసిన సంగతి తెలిసిందే. పోస్ట్ ప్రొడక్షన్ పనులు పూర్తిచేసుకున్న ఈ చిత్రం ఇవాళే సెన్సార్ బోర్డు క్లియరెన్స్ కూడా పొందింది. ఈ చిత్రానికి యుఎ సర్టిఫికేట్ లభించిందని సాక్షాత్తూ రాజమౌళి కొద్దిసేపటిక్రితం తెలియజేశారు. చిత్రంలో కొన్ని స్మోగింగ్ చేసే సన్నివేశాలు ఉండటంవల్లే యు ఎ సర్టిఫికేట్ వచ్చిందని సెన్సార్ సభ్యులు పేర్కొన్న విషయాన్ని సైతం రాజమౌళి ఉదహరించారు. అయినాకాని ఈ చిత్రంలో ఏ సన్నివేశాన్ని సెన్సార్ బోర్డు తొలగించకపోవటం పట్ల రాజమౌళి తన సంతోషాన్ని వ్యక్తం చేశారు.
         ఇక ఈ సినిమా ఎప్పుడు చూసేద్దామా అనే దాని గురించి అంతా ఎంతో ఆత్రంగా ఎదురుచూస్తున్నారు.  ఈ మూవీ సంచలనాలకు వేదిక అవుతుందా అంటే.. సర్వత్రా అవుననే సమాధానం వస్తోంది. ఎటువంటి స్టార్లూ లేని 'ఈగ' సినిమా ఒక్కసారిగా వందలాది థియేటర్లలో విడుదలవుతూ సంచలనం సృష్టిస్తోంది. రాజమౌళి దర్శకత్వంలో రూపొందుతోన్న ఈ సినిమాను జూలై 6 న తెలుగు ... తమిళ ... మలయాళ భాషల్లో ఒకేసారి 1200 ల ప్రింట్లతో విడుదల కాబోతోంది.

..avnk