Posted: 06/19/2012 04:07 PM IST

      త్వరలోనే కొత్త ఎన్టీఆర్ సాక్షాత్కరించబోతున్నాడా అంటే.. అవుననే అంటున్నాయి ఫిల్మ్ నగర్ వర్గాలు. అంతేకాదు.. జూనియర్ యన్టీఆర్ ఇప్పుడు తన లుక్ ని మార్చేసే పనిలో వున్నాడా? త్వరలో కొత్త అవతారంలో కనపడనున్నాడా? అంటే..  దీనికి అవుననే సమాధానం వస్తోంది, అతని సన్నిహిత వర్గాల నుంచి. ఇన్నాళ్లూ తమ అభిమాన నటుడిని ఒకే గెటప్ లో చూసిన అతని అభిమానులు త్వరలో కొత్త యన్టీఆర్ ని చూడబోతున్నారు. శ్రీను వైట్ల దర్శకత్వంలో రూపొందే 'బాద్ షా' చిత్రంలో యన్టీఆర్ హెయిర్ స్టయిల్ మొత్తం మారిపోతోందట. అతని ట్రేడ్ మార్క్ ఉంగరాల జుట్టు ఇక కనిపించదట. ఆ రీతిలో అతని స్టయిలింగ్ మార్చేస్తున్నారు.  ఇందు కోసం పలు స్టయిలింగ్ టెస్ట్ లు చేసి, చివరికి ఓ కొత్త లుక్ ని ఎంచుకున్నారు. ముంబయ్ కి చెందిన ఓ ప్రముఖ స్టయిలిస్ట్ ఈ బాధ్యతను తీసుకున్నాడు. యన్టీఆర్ ఓ అద్భుతమైన కొత్త లుక్ తో ఈ సినిమా ద్వారా ప్రేక్షకుల ముందుకు వస్తాడని 'బాద్ షా' చిత్రం స్టయిలిస్ట్ రూపా వైట్ల (దర్శకుడు శ్రీను వైట్ల భార్య) ఈ సందర్భంగా చెబుతున్నారు. ఈ సినిమా తొలి షెడ్యూలు పూర్తయ్యాక యన్టీఆర్ ఫస్ట్ లుక్ విడుదల చేస్తామని ఆమె అంటోంది. సో... కొత్త యన్టీఆర్ ని చూడబోతున్నామన్నమాట.. త్వరలోనే...అందులో యంగ్ టైగర్ అదుర్స్ అనిపిస్తాడుకూడా...

...avnk