Posted: 06/06/2012 07:22 PM IST

      జులాయి సినిమాలో పవన్ కళ్యాణ్ కి బిగ్ థాంక్స్ అనే కార్డు పడనుంది. వివరం ఏమిటంటే.. 'గబ్బర్ సింగ్' చిత్రంలో బాగా పేలిన 'అంత్యాక్షరి' ఎపిసోడ్ పవన్ కళ్యాణ్ సూచించినదే. తాజాగా త్రివిక్రం శ్రీనివాస్ దర్శకత్వంలో బన్నీ హీరోగా  రూపొందుతోన్న 'జులాయి' సినిమా విషయంలోనూ పవన్ కళ్యాన్ కొన్ని సూచనలు చేశాడట. ఈ సినిమా స్క్రిప్ట్  అంతా విన్న పవన్, కొన్ని మార్పులు చేయవలసిందిగా త్రివిక్రం ని కోరడమే కాకుండా, ఆ సీన్స్  ని ఎలా చేస్తే పండుతాయనేది అర్జున్ కి సూచించాడు. ఆయన చెప్పినట్టుగానే చేయడం వల్ల  ఆ సీన్స్  అద్భుతంగా వచ్చాయంటూ త్రివిక్రం - అర్జున్ ఆనందాన్ని వ్యక్తం చేస్తున్నారు. అంతే కాకుండా ఈ సినిమా ప్రారంభంలో 'పవన్ కళ్యాన్ కి బిగ్ థాంక్స్' అంటూ కార్డ్ కూడా వేస్తున్నారట. ఇక ఈ సినిమా ఆడియో వేడుక ఈ నెల 10 వ తేదీన హైదరాబాద్ లోని HICC లో గ్రాండ్ గా జరుపుతున్నారు. ఈ వేడుకకి పవన్ కళ్యాన్ - రామ్ చరణ్ ఈ వేడుకకు హాజరవుతారని ఇంతకు ముందే వెల్లడించాం.  
      ఇక.. ప్రస్తుతం 'కెమెరామెన్ గంగతో రాంబాబు' చిత్రానికి సంబంధించిన పనులతో పవన్ బిజీగా వున్నారు. ప్లాన్ ప్రకారం 'దేవుడు చేసిన మనుషులు' షూటింగ్ పార్ట్ ని పూర్తి చేసిన పూరి జగన్నాథ్, ప్రస్తుతం పవన్ సినిమాపై దృష్టి పెట్టినట్లు తెలుస్తోంది. ఈ నెల 15  న ఈ సినిమా సెట్స్ పైకి వెళ్ళ నుండటంతో అందరిలోనూ ఆసక్తి నెలకొంది. 'బిజినెస్ మేన్' వంటి సూపర్ హిట్ ఇచ్చిన పూరీ, 'గబ్బర్ సింగ్' ఘన విజయం తరువాత  పవన్ కాంబినేషన్లో రూపొందితోన్న సినిమా ఇది. ఇక  గతంలో వీళ్ళ  కాంబినేషన్లో వచ్చిన 'బద్రి' చిత్రం కుర్రకారు ప్రేక్షకులను ఓ ఊపు ఊపేసింది. ఈ కారణంగా ఈ సినిమా పై అంచనాలు సహజంగానే పెరిగిపోతున్నాయి. ఇద్దరూ కూడా తమ సక్సెస్ గ్రాఫ్ ఏ మాత్రం తగ్గని విధంగా ఈ సినిమా ఉండేందుకు అన్ని విషయాల్లోనూ ప్రత్యేక శ్రద్ధ తీసుకుంటున్నట్టు తెలుస్తోంది.

...avnk