Posted: 06/06/2012 07:28 PM IST

     మహత్తర చిత్ర రాజం మళ్లీ వస్తోంది. దివంగత ఎన్టీ రామారావు నటించిన జానపద చిత్రాల్లో 'భట్టి విక్రమార్క' ముందు వరుసలో ఉంటుంది.  ఇప్పుడీ సినిమాని తిరిగి రీమేక్ చేసేందుకు ప్రయత్నాలు జరుగుతున్నట్టు తెలుస్తోంది. ఈ జానపద సినీ రాజాన్ని ఈ తరం ప్రేక్షకులకి పరిచయం చేయాలనే ఉద్దేశంతో, ఈ సినిమాని తెర కెక్కించడానికి  నిర్మాత యలమంచలి సాయిబాబు ఆసక్తిని చూపిస్తున్నట్లు చెబుతున్నారు. 'శ్రీ రామరాజ్యం' సినిమా సమయంలోనే, మరో సినిమాకి డేట్స్ ఇస్తానని ఆయనకి బాలకృష్ణ  మాట ఇచ్చాడట. దాంతో బాలకృష్ణ హీరోగా ఈ సినిమాని రూపొందించడానికి సన్నాహాలు జరుగుతున్నాయి. ఇప్పటికే స్క్రిప్ట్ వర్క్ ప్రారంభమైనదని తెలుస్తోంది. ఈ సినిమాలో కథానాయికల సంగతి అటుంచితే, దర్శకుడిగా సూర్య  ప్రకాష్ పేరు వినిపిస్తోంది. రాఘవేంద్ర రావు కొడుకైన సూర్య ప్రకాష్, గతంలో 'అనగనగ ఓ ధీరుడు' వంటి జాన పదాన్ని తెరకెక్కించాడు. అయితే ఈ సినిమా సక్సెస్ కాకపోయినప్పటికీ, దర్శకుడిగా అతనికి ప్రశంసలు బాగానే దక్కాయి. ఈ సినిమాకి సంబంధించిన పూర్తి వివరాలను త్వరలోనే వెల్లడించే అవకాశముందని తెలుస్తోంది. ఒకప్పటి అద్భుత కళాకండాన్ని మళ్లీ కొత్త తరహాలో చూసే భాగ్యం కలుగుతుందన్నమాట.

...avnk