Posted: 06/05/2012 07:50 PM IST

     తెలుగు తెరపై కొత్త రికార్డులను కొలువుదీర్చిన 'గబ్బర్ సింగ్' త్వరలో ఓ వేడుక జరుపుకోబోతున్నాడు. ఈ సినిమా ఆడియో పరంగా కూడా సంచలనమైన అమ్మకాలు జరిగిన సందర్భంగా 'హెక్సా ప్లాటినం డిస్క్' ఫంక్షన్ ని నిర్వహించడానికి ఏర్పాట్లు చేస్తున్నారు. ఈ సందర్భంగా ఈ విజయంలో పాలు పంచుకున్న వారికి ప్రదానం చేసే షీల్డ్స్ ను ప్రత్యేకంగా, అందంగా డిజైన్ చేయించడం జరిగిందని చెబుతున్నారు. మే 31 న నిర్వహించవలసిన ఈ వేడుక అనుకోని కారణాల వల్ల వాయిదా పడటం జరిగింది. త్వరలోనే ఈ వేడుకకి సంబంధించిన పూర్తి వివరాలు తెలిసే అవకాశం ఉంది. ఈ ఫంక్షన్ కి పవన్ కూడా రానుండటంతో అభిమానులంతా ఆసక్తిగా ఎదురుచూస్తున్నారు.
    కాగా,  గబ్బర్ సింగ్ బాక్సాఫీస్ ను షేక్ చేస్తూనే ఉంది.  రాష్ట్ర రాజధానిలోని అన్ని(ఆరు) మల్టీప్లెక్స్ లోనూ కలిపి 24 రోజులకు 5.75 కోట్లు కలెక్షన్లు సాధించింది. ఈ మూవీ  విడుదలైనప్పటి నుంచి కలెక్షన్ల సునామీనీ కురిపిస్తోంది. మూడు వారాల్లో  128కోట్ల కలెక్షన్లను వసూలు చేసి తన స్టామినా నిరూపించుకుంటోంది. పవర్ స్టార్ సినిమా ఇంత భారీ హిట్ కొట్టడంతో అభిమానులు ఆనందంలో మునిగితేలుతున్నారు.
     ఇదిలా ఉండగా,  మెగాపవర్ స్టార్ రామ్ చరణ్, ఉపాసనల పెళ్లి ఏర్పాట్లు వేగంగా జరుగుతున్నాయి. ఈ పెళ్లి వేడుకలకు హజరయ్యే అతిధులకు ఎంట్రీ పాస్ ని కూడా గ్రాండ్ గా డిజైన్ చేశారు. జూన్ 14ఉదయం. 7గంటల 30నిమిషాలకు మొయినాబాద్ ఫాం హౌస్ లో పెళ్లి జరగనుంది. అదే రోజు సాయంత్రం హైదరాబాద్ హెచ్.ఐ.సిసి లో రిసెప్షన్ ఏర్పాటు చేశారు. ఆ రిసెప్షన్ ఆహ్వానాన్ని మీడియా ప్రతినిధులకు అందజేసారు.

...avnk