Posted: 05/29/2012 02:07 PM IST

     నవతరం అందాల భామ శ్రద్ధాదాస్ కు భయంకరమైన అనుభవం ఎదురైందట. ఆమె నటిస్తోన్న తాజా సినిమా కోసం నిజంగానే నిజమైన కింగ్ కోబ్రాల మధ్య  శ్రద్ధాదాస్ స్టెప్పు లేసిందట. ఓ మలయాళ చిత్రం కోసం ఆమె ఇలా నిజమైన  పాముల మధ్య  నాట్యం చేయవలసి వచ్చింది. ప్రస్తుతం ఆమె మలయాళంలో 'డ్రాకులా' 3 డి అనే సినిమాలో నటిస్తోంది. భారీ బడ్జెట్ తో నిర్మిస్తోన్న ఈ సినిమాకి వినయన్ దర్శకుడిగా వ్యవహరిస్తున్నారు. ఈ సినిమాని తెలుగు - తమిళ - ఇంగ్లిష్ భాషల్లోకి అనువదించనున్నారు. అందువల్ల ప్రతి సన్నివేశం ఆసక్తికరంగా ... సహజత్వంగా వుండాలని  భావించిన దర్శక నిర్మాతలు, ఓ పాట కోసం నిజమైన కోబ్రాలను తెప్పించి వాటి మధ్య శ్రద్ధాదాస్ తో డాన్స్ చేయించారట. కేరళలో చిత్రీకరించిన ఈ పాట గురించి శ్రద్ధాదాస్ స్పందిస్తూ ... ఈ సినిమాలో కథ ప్రకారం తాను కింగ్ కోబ్రాల మధ్య నాట్యం చేయవలసి వచ్చిందనీ ... ఇది మరిచిపోలేని భయంకరమైన అనుభవమని ఆమె ట్విట్టర్ ద్వారా తెలియజేసింది. ఏదేవైనా శ్రద్ధాదాస్ కి దైర్యం ఎక్కువేనని మల్లూవుడ్ సినీవర్గాలు అంటున్నాయి. కెరీర్ పరంగా చాలా శ్రద్ద వహించే శ్రద్ధాదాస్ ఈ సినిమాకోసం చాలా కష్టపడుతుందని సమాచారం. ఈ బహుబాషా సినిమా ఓకే అయినప్పుడే.. ఈ అందాల భామ ఎగిరిగంతేసిన సంగతి విదితమే. ఇక నటనలో ఏమి తగ్గుతుంది ...

...avnk