Posted: 05/29/2012 01:55 PM IST

      ప్రముఖ మలయాళ నటుడు సత్యసాయిగా అవతారమెత్తబోతున్నాడు. పలు భాషల్లో శతాధిక చిత్రదర్శకుడు కోడి రామకృష్ణ.. పుట్టపర్తి సత్యసాయిబాబా జీవితం ఆధారంగా ఓ సినిమాకి శ్రీకారం చుట్టిన విషయం తెలిసిందే. గత ఏడాది సత్యసాయిబాబా పరమ పదించిన నేపథ్యంలో కోడి రామకృష్ణ ఈ చిత్రం చేయాలనుకున్నారు. ఇందులో సత్యసాయిబాబా పాత్రను ఎవరు పోషిస్తారు? అనే చర్చ జరుగుతోంది. ఈ చర్చల్లో ప్రస్తుతం మోహన్‌లాల్ పేరు వినిపిస్తోంది. ఈ మలయాళ హీరో సత్యసాయిబాబా భక్తుడు అట. ఇటీవలే ఈ చిత్రం గురించి మోహన్‌లాల్‌తో కోడి రామకృష్ణ చర్చించారని సమాచారం. మోహన్‌లాల్ కూడా ఈ చిత్రం పట్ల ఆసక్తిని కనబర్చారట. చిత్రీకరణ కార్యక్రమాలు కూడా త్వరలో ప్రారంభం కానున్నాయని తెలిసింది. మోహన్‌లాల్ గతంలో ‘గాండీవం’ అనే చిత్రంలో ఏఎన్నార్, బాలకృష్ణతో కలిసి నటించారు. అనుకున్నట్టు అంతా జరిగితే.. తెలుగులో ఆయన చేసే రెండో సినిమా ఇదే అవుతుంది. మాజీ ఎంపీ హరిరామ జోగయ్య ఈ సినిమాను నిర్మించబోతున్నారు.

...avnk