Posted: 05/27/2012 07:11 PM IST

      దర్శకేంద్రుడి చేతులమీదుగా మరో హీరో తెరంగేట్రం చేయబోతున్నాడు.  ప్రస్తుతం నాగార్జునతో 'శిరిడీ సాయి' చిత్రాన్ని రూపొందిస్తున్న సీనియర్ దర్శకుడు కె.రాఘవేంద్రరావు, త్వరలో ఓ కొత్త హీరోని తెలుగు తెరకు పరిచయం చేయనున్నారు. ఇటీవల 'శ్రీరామ రాజ్యం' చిత్రాన్ని నిర్మించిన యలమంచిలి సాయిబాబు తనయుడు రేవంత్ హీరోగా నటించే చిత్రానికి ఆయన దర్శకత్వం వహించనున్నట్టు తెలుస్తోంది. 'ఇంటింటి అన్నమయ్య' పేరుతో రూపొందే ఈ చిత్రానికి కీరవాణి సంగీతాన్ని సమకూరుస్తారు. ఈ చిత్రాన్ని ఓ భారీ చిత్రంగా నిర్మించడానికి నిర్మాత సాయిబాబు ప్లాన్ చేస్తున్నారు. గతంలో వెంకటేష్, అల్లు అర్జున్ వంటి హీరోలను కె.రాఘవేంద్రరావే తెలుగు తెరకు పరిచయం చేసిన సంగతి మనకు తెలిసిందే! కొత్త హీరో ఏమి సంచలనం చేస్తాడో చూడాలి.

...avnk