Posted: 05/18/2012 06:56 PM IST

     ‘గబ్బర్ సింగ్’ సినిమా విషయంలో పవన్ కల్యాణ్ తనని పూర్తిగా నమ్మారనీ ... ఆ నమ్మకాన్ని నిలబెట్టుకున్ననందుకు ఆనందంగా వుందన్నాడు ఆ చిత్ర దర్శకుడు హరీష్ శంకర్. పవర్ స్టార్ 'గబ్బర్ సింగ్' బ్లాక్ బస్టర్ అయిన నేపథ్యంలో ఈ సినిమా దర్శక నిర్మాతలు హైదరాబాద్ లోని దసపల్లా హోటల్లో ఈరోజు సక్సెస్ మీట్ ని ఏర్పాటు చేశారు. ఈ సందర్భంగా దర్శకుడు నిర్మాతలు తమ అనుభవాలను ఆనందాన్ని పంచుకున్నారు. 
      పవన్ కల్యాణ్ ఇమేజ్ ... దేవిశ్రీ సంగీతం ఈ సినిమాకి ప్రధాన బలంగా నిలిచాయని, ఇంతటి భారీ విజయం, భారీ సినిమాని నిర్మించిన బండ్ల గణేష్ దే గొప్పతనమంతా అని హరీష్ అభిప్రాయపడగా, నిర్మాత బండ్ల గణేష్ మాట్లాడుతూ ... ఈ సినిమా ఇంతగా సక్సెస్ కావడానికి కారణం పవన్ కల్యాణ్ - హరీష్ శంకర్ అని చెప్పారు. విడుదలైన ప్రతి సెంటర్ లోను ఈ సినిమా భారీవసూళ్ళను రాబడుతూ, 81 యేళ్ళ ఇండస్ట్రీ రికార్డుని తిరగ రాసిందని అన్నారు. పరిశ్రమలోకి ఓ సాధారణ వ్యక్తిగా వచ్చిన తాను, ఇంతటి ఘన విజయాన్ని సాధించిన సినిమాకి నిర్మాతనైనందుకు గర్వంగా వుందని చెప్పారు. దాసరి వంటి ప్రముఖుల ప్రశంసలు తనకి కొత్త శక్తిని ఇచ్చాయంటూ ... ఇంతటి ఘన విజయానికి కారకులైన ప్రేక్షకులకి కృతజ్ఞతలు తెలియజేశారు. పవర్ స్టార్ తో భారీ హిట్ కొట్టాలన్న తన కోరిక నెరవేరినందుకు చాలా సంతోషంగా ఉందని గణేష్ అన్నారు.