Posted: 05/07/2012 01:41 PM IST

       ఇన్నాళ్లూ.. పరిమితంగా సినిమాల్లో నటించిన మెగా పవర్ స్టార్ పవన్ కల్యాణ్ కథం తొక్కారు. ఇకనుంచి పవన్ వేగంగా సినిమాలు చేయబోతున్నారు. ఇందుకు సంబంధించిన సంకేతాలు వెలువడుతున్నాయి. ఈ మధ్య పవన్ కళ్యాణ్ తో సినిమా చేయాలని ఉందని ఆయన కాల్షీట్లు ఇవ్వటం లేదంటూ శ్రీనువైట్ల వంటి ప్రముఖ దర్శకులు తమ మనోభిప్రాయాన్ని వివిధ సందర్భాల్లో వెల్లడించారు. తదనుగుణంగానే ఇప్పుడు పావులు కదులుతున్నట్టు కనపడుతోంది.
       పవన్ లేటెస్ట్ మూవీ 'గబ్బర్ సింగ్' సినిమా పూర్తవడంతో, ఆయన నటించే తదుపరి చిత్రం 'కెమెరా మేన్ గంగతో రాంబాబు' షూటింగుకు సంబంధించిన సన్నాహాలు ప్రస్తుతం వేగంగా జరుగుతున్నాయి. ఈ చిత్రం షూటింగును ఈ నెలలోనే ప్రారంభిస్తారు. ఇంకా..  త్రివిక్రమ్ శ్రీనివాస్ దర్శకత్వంలో ఓ చిత్రం ప్లానింగ్ జరుగుతోంది. మరోపక్క శ్రీను వైట్ల దర్శకత్వంలో కూడా పవన్ కల్యాణ్ త్వరలో ఓ చిత్రం చేస్తారని సమాచారం.  దీనికి సంబంధించిన స్క్రిప్ట్ కూడా ఇప్పటికే రెడీ అయిందని వెల్లడి.  ప్రముఖ రచయిత కోన వెంకట్ దీనికి రచన సిద్దం చేసుకున్నారు. పవన్ సమయం ఇస్తే కథ వినిపించడానికి ఆయన సిద్ధంగా వున్నారు. శ్రీను వైట్ల ప్రస్తుతం యన్టీఆర్ హీరోగా 'బాద్ షా' చిత్రాన్ని రూపొందిస్తున్నారు.ఈ చిత్రం అనంతరం పవన్ మూవీ చేస్తారని భోగట్ట.     

...avnk