Posted: 05/07/2012 01:27 PM IST

      సుకుమార్ దర్శకత్వంలో మహేష్ బాబు హీరోగా రూపొందుతున్న తాజా చిత్రంలో మహేష్ బాబుని ఆటాడించనున్నాడు ప్రముఖ డ్యాన్స్ కంపోజర్ ప్రభుదేవ. ఈ లేటెస్ట్ మూవీలో రెండు పాటలకు డ్యాన్స్ కంపోజ్ చేయడానికి ప్రభుదేవా అంగీకరించినట్టు ప్రచారం జరుగుతోంది. ఈ మధ్య కాలంలో ప్రభుదేవ సొంత సినిమాలకు తప్ప ఇతర మూవీలకు డ్యాన్స్ కంపోజ్ చేయటం బాగా తగ్గించేశారు.  అయితే, మహేష్ పై వున్న ప్రత్యేక అభిమానంతో ఇందుకు ఒప్పుకున్నట్టు తెలుస్తోంది. ఎంతోకాలం నుంచీ మహేష్ తో సినిమా చేయాలనుకుంటున్న ప్రభు ఆశలు ఈ రూపేణా అయినా వర్కౌట్ కావాలని ఆశిద్దాం..
       కాగా, ఈ మూవీలో మహేష్ తో ఇంతకు ముందెన్నడూ లేని విధంగా స్టెప్పులేయించాలని దర్శకుడు సుకుమార్ భావిస్తున్నాడట. అంతేకాదు ఈ సినిమాతో మహేష్ ను డ్యాన్సుల పరంగా కూడా బాగా  ఫోకస్ చేయాలని దర్శకుడు ప్రయత్నిస్తున్నాడు. ప్రభు ఎంపిక అందుకోసమే మరి.
      కాజల్ హీరోయిన్ గా నటిస్తున్న ఈ చిత్రానికి దేవిశ్రీ ప్రసాద్ సంగీతాన్ని అందిస్తున్నాడు.

...avnk