Posted: 05/07/2012 01:18 PM IST

       రాజకీయరంగాన రాజశేఖర్-జీవిత.. ఇక్కడా..అక్కడా..ఎక్కడా...అనే మీమాంసలో కొట్టుమిట్టాడుతున్నారు. ఈ సంశయం వారికే కాదు వారి అడుగులు గమనిస్తోన్న రాజకీయ విశ్లేషకులకూ మింగుడు పడటంలేదు. తాజా వార్తలేమంటే.. రాజశేఖర్  - జీవిత దంపతులు తిరిగి కాంగ్రెస్ పార్టీలో చేరనున్నట్టు వినికిడి. గతంలో కాంగ్రెస్ పార్టీ లో పనిచేసిన ఈ దంపతులు, రాజశేఖర్ రెడ్డి మరణానంతరం కొంత కాలంపాటు ఆ పార్టీకి దూరమైన సంగతి మనకి తెలుసు.  ఆ తరువాత వైఎస్సార్ కాంగ్రస్ పార్టీలో చేరదామని ప్రయత్నం చేసినా అది బెడిసికొట్టింది. దాంతో అక్కడి నుంచి బయట పడిన ఈ దంపతులు, తెలుగు దేశంలోగానీ  బీజీపీలో గాని చేరతారనే ప్రచారం జోరుగా సాగింది.
     ఇప్పడు బ్యాక్ టు పెవిలియన్ చందాన ఈ జంట కాంగ్రెస్ లోనే కొనసాగనున్నట్టు తెలుస్తోంది. రాబోయే ఉపఎన్నికల్లో కాంగ్రెస్ ని గెలిపించడానికి తమ వంతు కృషి చేస్తామంటూ త్వరలో ప్రెస్ మీట్ పెట్టిమరీ కుండబద్దలు కొడతారని వెల్లడి.

...avnk