Posted: 05/04/2012 05:16 PM IST

      అందాలు ఆరబోత మీద ఆధారపడకుండా అభినయాన్ని నమ్ముకుని అగ్రస్థానానికి చేరిన అతి కొద్ది మంది నటీమణులలో అందాల భామ త్రిష ఒకతి. నేటి పోటీ ప్రపంచంలోనూ అదే ఒరవడిని కొనసాగిస్తూ.. ఇమేజ్ ని నిలబెట్టుకుంటూ సుధీర్గ ప్రయాణాన్ని కొనసాగించడంలోనూ సౌందర్య తరువాత స్థానాన్ని ఆక్రమించింది. ఈ నాజూకు సుందరి ఈ రోజు తన పుట్టిన రోజును ఆనందోత్సాహాలతో జరుపుకుంటుంది.  ఈ వేడుకని ఆమె ఎప్పటిలానే తన స్నేహితులతో కలిసి థాయ్ లాండ్ లోని ఓ దీవిలో జరుపుకుంటోంది.
      కాగా, 'నీమనసు నాకు తెలుసు' చిత్రం ద్వారా తెలుగు తెరకి త్రిష పరిచయమైంది. ఆరంభంలోనే ఏ మాత్రం తడబడకుండా ఆమె తన కెరియర్ ని చక్కగా ప్లాన్ చేసుకుంది. అటు అగ్ర కథానాయకుల సరసన, ఇటు యంగ్ హీరోలకి జోడీగా ఏక కాలంలో ఆడిపాడింది. ఫలితంగా 'వర్షం', 'నువ్వొస్తానంటే నేనొద్దంటానా' ,'అతడు', 'స్టాలిన్', 'కృష్ణ', 'ఆడవారి మాటలకి అర్ధాలు వేరులే' ఇలా వరుస విజయాలు ఆమె ఖాతాలో చేరిపోయాయి. తెలుగు తెరపై త్రిషని తిరుగులేని నాయికగా నిలబెట్టాయి. .. తాజాగా దమ్ము చిత్రంలోనూ ఎన్టీఆర్ సరసన మెప్పించింది ఈ అందాల భామ. ఈ శుభ సందర్భంలో త్రిష కు ప్రత్యేక జన్మదిన శుభాకాంక్షలు చెబుతోంది..ఆంధ్రావిశేష్.కాం...హ్యాపీ బర్త్డే త్రిష....

...avnk