Posted: 04/12/2012 07:57 PM IST

                 'ఆనందం' సినిమా హీరో ఆకాష్ సర్వాతర్యామిగా వ్యవహిరించే ఓ సినిమా చేయబోతున్నాడు. తొలి చిత్రం ఆనందంతో తెలుగు ప్రేక్షకులకి బాగా దగ్గరైన ఆకాష్, ఆ తరువాత వరుసగా సినిమాలు చేసినప్పటికీ పెద్దగా గుర్తింపు రాలేదు. దాంతో ఆయన నటనతో పాటు డైరెక్షన్ వైపు కూడా దృష్టి పెట్టాడు.
               ఈ నేపథ్యంలోనే ఆయన 'మిస్టర్ రాజేష్' ది కిల్లర్ అనే ట్యాగ్ లైన్తో ఓ చిత్రాన్ని తెరకెక్కిస్తున్నాడు. సస్పెన్స్ థ్రిల్లర్ గా రూపొందుతోన్న ఈ సినిమాలో ఆకాష్ ఏడు విభిన్న పాత్రలను పోషిస్తున్నారు. ఊటి హార్సిలీహిల్స్, మదనపల్లి తదితర ప్రాంతాల్లో జరిపిన షూటింగ్ తో ఈ సినిమా మొదటి షెడ్యూల్ పూర్తి అయింది.
               ఈ సినిమాకి సంబంధించిన పాటలను లండన్, ప్యారీస్ నగరాలతో బాటు జర్మని దేశంలో కూడా చిత్రీకరించేందుకు ప్లాన్ చేసినట్టు చిత్రవర్గాలు వెల్లడిస్తున్నాయి.  రహమత్ ప్రొడక్షన్స్ బ్యానర్ పై ఖాదర్ వలి నిర్మిస్తోన్న ఈ సినిమాలో ఆకాష్ సరసన సోని చరిష్ట నటిస్తోంది. ఈ సినిమాకి ఆకాష్ ...  కథ - స్క్రీన్ ప్లే - మాటలను అందించడమే కాకుండా దర్శకుడిగా కూడా వ్యవహరిస్తున్నారు. ఈ ప్రాజక్ట్ ఆకాష్ కు అక్కరకొస్తుందో లేదో..

...avnk