Posted: 03/30/2012 03:58 PM IST

              బిజీ షెడ్యూల్స్ తో తీరికలేకుండా ఉండే సినీరంగానికి చెందినవారిని కొందరు కుట్రదారులు ఇట్టే మోసం చేసేస్తున్నారు. తప్పుడు పత్రాలు స్రుష్టించి అక్రమ భూములు అంటగట్టి భారీగా డబ్బుకొల్లగొడుతున్నారు. ఇక కోర్టుల చుట్టూ తిరగాల్సి రావటం అమాయకుల వంతవుతోంది. ఇదే తరహాకు చెందిన ఓ భూవివాదంలో హీరోయిన్ అనుష్క, రమారాజమౌళి మరో ఐదుగురు చిక్కుకున్నారు.
              రెండేళ్ల క్రితం వీరంతా కలిసి విశాఖపట్నం జిల్లా మధురవాడ గ్రామంలో కొంత భూమిని కొనుగోలు చేశారు. అత్యంత ఖరీదైన ఆ భూమికి అసలు యజమాని లింగమూర్తి. అమెరికాలో ఉంటోన్న అతనికి తెలియకుండా కొందరువ్యక్తులు తప్పుడు పత్రాలను సృష్టించి, ఆ స్థలాన్ని అనుష్క వాళ్లకి అంటగట్టారట. ఈ సంగతి తెలుసుకున్న ఆ స్థలం యజమాని భీమునిపట్నం కోర్టును ఆశ్రయించడంతో, కోర్టు వీరికి సమన్లు పంపించింది.
             అయితే, ఈ విషయంలో తమకి మరింత స్పష్టత రావాల్సి ఉందనీ, తగిన ఆధారాలతో హాజరయ్యేందుకు గడువుకావాలంటూ వీరు హైకోర్టు నుంచి స్టే తెచ్చుకున్నారు. స్టే పొందిన కారణంగా కేసు వాయిదా వేయాలంటూ అనుష్క తరఫు న్యాయవాది కోరడంతో, కోర్టు ఈ కేసును ఏప్రిల్ 16 కి వాయిదా కోర్టు వాయిదావేసింది. ఈ తలపోటు నుంచి వీరు ఎలా ఉపశమనం పొందుతారో వేచిచూడాలి.

...avnk