Posted: 03/13/2012 12:59 PM IST

          సినిమా రంగానికి సంబంధించి పూర్తి స్థాయి అవగాహన కోసం మార్కెట్లోకి ఐదు పుస్తకాలు ఏకధాటిన వెలువడ్డాయి. రచయిత.. దర్శకుడు నాగేంద్రకుమార్‌ ఏపూరి సినిమా రంగంపై పలు అంశాలను సమగ్రంగా చర్చిస్తూ ఈ బుక్స్ రాశారు. ఈ ఐదు పుస్తకాల ఆవిష్కరణ ఫిల్మ్ ఛాంబర్‌లో జరిగింది.
           'అద్భుత సినీరంగం, సినిమా స్క్రిప్ట్‌, భిన్న దర్శకత్వం, నిర్మాణం, సినిమా నటన కళ' వంటి అంశాలపై వ్రాసిన ఈ ఐదు పుస్తకాలను పరుచూరి గోపాలకృష్ణ, జీవిత రాజశేఖర్‌, సి. కళ్యాణ్‌, ప్రసన్నకుమార్‌, రవికుమార్‌ చౌదరి ఒక్కో పుస్తకాన్ని ఆవిష్కరించి, వారి అభిప్రాయాలు ఇలా వెలిబుచ్చారు.
          పరుచూరి గోపాలకృష్ణ : ‘‘ సామాన్యుడికికూడా సినిమా రంగంపై అవగాహన కలిగేలా నాగేంద్రకుమార్‌ రచనలు చేయడం అభినందనీయం. ఔత్సాహిక సినీప్రియులకు ఈ పుస్తకాలుఎంతో ఉపయుక్తంగా ఉంటాయి.’’
            సి. కళ్యాణ్‌ : ‘‘సినిమా దర్శకత్వం, స్క్రిప్ట్‌, నిర్మాణం వంటి పలు అంశాలను చర్చిస్తూ నాగేంద్రకుమార్‌ మరిన్ని రచనలు చేయాల్సిన అవసరం ఎంతైనా ఉంది.’’.
          జీవిత : ‘‘సినిమారంగంలోని పలు శాఖలవారికి ఈ పుస్తకాలు చాలా ఉపయోగపడతాయి, ఇది మంచి ప్రయత్నం.’’
          చివరిగా రచయిత మాట్లాడుతూ, తెలుగువారు సినిమాప్రియులు. సామాన్యుడికి కూడా అతి తక్కువ వ్యయంతో సినిమాకు సంబంధించిన రచనలు, దర్శకత్వం, నిర్మాణం వంటి పలు అంశాలను సమగ్రంగా అందించాలని ఈ పుస్తకాన్ని రాశానని,  సినీప్రియులకు ఈ పుస్తకం ఎంతో ఉపయుక్తమవుతుందన్నారు.

...avnk