Posted: 03/02/2012 01:31 PM IST

దర్శక ధీరుడు రాజమౌళి ప్రతిష్టాత్మకంగా నిర్మిస్తున్న ‘ఈగ’ చిత్రం జనాల పై వాలే తేది ఖరారు అయినట్లు తెలుస్తుంది. గ్రాఫిక్స్ ప్రధానంగా తెరకెక్కుతున్న ఈ చిత్రం పై ఇప్పటికే వివరీత మైన అంచనాలు ఉన్నాయి. ఈ అంచనాలు రుజువు అయ్యేటట్లు శాటిలైట్ హక్కులు కూడా 5.5 కోట్లకు అమ్ముడయ్యాయి. ఈ సినిమా నాని, సమంత హీరో హీరోయిన్లుగా, కన్నడ నటుడు సుదీప్ విలన్ గా నటిస్తున్న విషయం తెలిసిందే.

తాజా వార్తల ప్రకారం ఈ సినిమాని ఏప్రిల్ రెండో వారంలో 12 తారీఖున విడుదల చేయడానికి యూనిట్ వర్గాలు ప్లాన్ చేస్తుందని సమాచారం. అయితే ఈ విషయాన్ని ఇంకా రాజమౌళి ప్రకటించకపోయినా ఈ తేదీనే ఫైనల్ అయ్యే అవకాశాలు ఉన్నాయని ఫిలింనగర్ టాక్.