Posted: 02/02/2012 05:58 PM IST

          అలనాటి నటవిశ్వరూపం ఎన్టీఆర్ 1960 లో నటించిన ‘భట్టివిక్రమార్క’ చిత్రం రీమేక్ కాబోతోంది. దీనిలో ఇప్పుడు నందమూరి బాలయ్య తన నటనా చాతుర్యాన్ని ప్రదర్శించబోతున్నారు. ఈ సినిమాను దర్శకేంద్రుడు రాఘవేంద్రరావు రూపొందిస్తారని వినికిడి.

          తాజా సమాచారం ప్రకారం బాలకృష్ణ నటించే ఈ సినిమా ప్రధానంగా విక్రమార్కుడు-భేతాళ కథల ఆధారంగా తెరకెక్కే సోషియో ఫాంటసీ చిత్రంగా ఉండబోతుంది. అప్పటి ‘భట్టివిక్రమార్క’లో ఎన్టీఆర్ విక్రమార్కుడిగా, కాంతారావు భట్టిగా, ఎస్వీ రంగారావు మాంత్రికుడుగా,  అంజలి దేవి ప్రభావతి దేవిగా నటించారు. ఈ చిత్రం ఘన విజయంసాధించింది.

           ప్రస్తుత రీమేక్ చిత్రాన్ని యలమంచిలి సాయిబాబు నిర్మించనున్నట్లు సమాచారం. సాయిబాబు ఇటీవలే బాలకృష్ణతో ‘శ్రీ రామరాజ్యం’ చిత్రం తీసి హిట్ కొట్టారు. రాఘవేంద్రరావు ప్రస్తుతం నాగార్జున తో సాయిబాబా చిత్రాన్ని తెరకెక్కిస్తున్నారు. అనంతరం ఈ చిత్రం ఉండే అవకాశం ఉంది.

 
...avnk