Posted: 02/02/2012 07:12 PM IST

            సరికొత్త కాంబినేషన్ లో మరో భారీ చిత్రం తెరకెక్కబోతోంది. ఇందులో హీరో మెగా పవర్ స్టార్ రామ్ చరణ్ తేజ్ కాగా, దర్శకుడు శ్రీను వైట్ల. వైజయంతీ మూవీస్ బ్యానర్ మీద భారీ చిత్రాల నిర్మాత చలసాని అశ్వనిదత్ నిర్మించనున్నారు. మూవీ అక్టోబరులో కార్యరూపం దాల్చనుంది. మిగతా నటీనటులు మరియు సాంకేతిక విభాగం గురించి త్వరలో అధికారికంగా ప్రకటించనున్నారు.

           నిర్మాత అశ్విని దత్ మహేష్ బాబుతో కూడా ఒక సినిమా చేయాల్సి ఉండగా, అటు శ్రీను వైట్ల కు ఎన్టీఆర్  సినిమా ఉంది. దీని తర్వాత చరణ్ సినిమా మొదలు కావచ్చని తెలుస్తోంది. రామ్ చరణ్ ప్రస్తుతం రచ్చ షూటింగ్ లో బిజీగా ఉన్నారు. అశ్విని దత్ గతంలో మెగా ఫ్యామిలీ హీరోలతో తీసిన సినిమాలన్నీ విజయం సాధించాయి.

           ఎప్పుడూ హాస్యానికి అధిక ప్రాధాన్యత నిచ్చే శ్రీను వైట్ల డైరెక్షన్ లో తెరకెక్కబోతోన్న ఈ సినిమాపై భారీ అంచానాలు ఉంటాయనటంలో  సందేహమే లేదు. చరణ్ కూడా హాస్య ప్రధాన చిత్రాల్లో చేయాలని ఉవ్విళ్లూరుతున్నారని వస్తోన్న వార్తల నేపథ్యంలో ఈ సినిమా రావటం మొగా ఫ్యాన్స్ కే కాదు, అందరికీ వినోదాల పంటే.

...avnk