Posted: 01/29/2012 01:44 PM IST

విలక్షణ నటుడు కమల్‌హాసన్‌ చూపించబోతోన్న మరో ఉగ్రరూపం.. ‘విశ్వరూపం’.  ఈ దఫా  ప్రయోగం మరింత ఆసక్తికరం, వైవిధ్యం గా చేసేందుకు కమల్ చాలా కసరత్తు చేస్తున్నాడు.  పూర్తిస్థాయూ వాణిజ్య పంథాలో భారీ ప్రణాళికతో తెరకెక్కుతున్న ఈ చిత్రం కమల్‌కి డ్రీమ్‌ ప్రాజెక్ట్‌.

 దాదాపు రూ.100కోట్ల బడ్జెట్‌తో రాజ్‌కమల్‌ ఇంటర్నేషనల్‌, పివిపి సినిమాస్‌ సంయుక్తంగా నిర్మిస్తున్నాయి. పతాక సన్నివేశాలు మినహా సినిమా సాంతం పూర్తయింది. త్వరలో ఢిల్లీలో బ్యాలెన్స్‌ షూటింగ్‌ పూర్తి చేయనున్నారు.
          కమల్‌ శైలి విన్యాసాలతో అలరించనున్న ఈ సినిమాలో..కథక్‌ నృత్యం సినిమాకే హైలైట్‌గా నిలిచేలా చిత్రీకరించారట.తెరపై ఎన్నడూ చూడని రీతిలో ఈ గీతానికి ప్రత్యేక నృత్య భంగిమలను ప్రఖ్యాత కథక్‌ కళాకారుడు బిర్జు మహరాజ్‌ కంపోజ్‌ చేశారు.

బాలీవుడ్‌ నటుడు రాహుల్‌ బోస్‌ భీకర విలన్‌గా నటిస్తున్నారు. ఆండ్రియా జెరోమి, పూజా కుమార్‌, ఇషా శర్వాణి తమ అందచందాలతో కనువిందు చేయనున్నారు. శేఖర్‌ కపూర్‌ ఓ అతిధి పాత్రలో నటిస్తున్నారు. సినిమా పతాక సన్నివేశాలు భారీ యాక్షన్‌తో విజువల్‌ గ్రాండియర్‌ అనే పదానికి అర్థం చెప్పేలా ఉంటాయిట. తమిళ్‌, హిందీలో ఏకకాలంలో ఈ సినిమా తెరకెక్కుతోంది. తెలుగులోనూ అనువాదమై విడుదలకు సిద్ధమౌతోంది.

...avnk