Posted: 01/19/2012 01:25 PM IST

సాధారణంగా రజనీకాంత్ లాంటి హీరో సినిమాలో నటించే చాన్స్ వచ్చిందంటే హీరోయిన్లంతా దానిని ప్రమోషన్లా ఫీలవుతారు. వెంటనే డేట్స్ సద్దుబాటు చేసి మరీ ఆ సినిమాకి ఓకే చెప్పేస్తారు. అయితే, బాలీవుడ్ నటి కత్రినా కైఫ్ మాత్రం మీనమేషాలు లెక్కపెడుతోందట. రజనీ చిన్నకూతురు సౌందర్య దర్శకత్వం వహించే 'కొచ్చాడియాన్' సినిమాలో కత్రినాకు హీరోయిన్ వేషాన్ని ఆఫర్ చేశారు.     

అయితే, ఆమె చేస్తానని కానీ, చేయనని కానీ... ఇంకా ఏ విషయం చెప్పలేదట. ఆమె ఏ విషయం చెప్పడాన్ని బట్టి మరో అమ్మాయిని ట్రై చేస్తారట.  రజినీ కోసం చాలా మంది వేయిట్ చేస్తున్న కత్రినా కోసమే రజినీ ఎందుకు ఎదురు చూస్తున్నాడోనని సినీ జనాలు అంటున్నారు. ఇదిలా ఉంచితే, ఈ సినిమా షూటింగును ఈ నెల 19 న ప్రారంభిస్తున్నారు. ఆ రోజు అన్ని విధాలా మంచి రోజు కావడంతో, సినిమా ప్రారంభోత్సవానికి ముహూర్తం పెట్టుకున్నారు.  ముందుగా రజినీ, స్నేహలపై అన్నా, చెల్లెళ్ళ సన్నివేశాలను చిత్రీకరిస్తారు. ఇందులో ఓ కీలక పాత్రకు తాజాగా ఆది పినిశెట్టి కూడా ఎంపికయ్యాడు.