Posted: 01/11/2012 06:09 PM IST

          సంక్రాంతి పండుగకు ప్రేక్షకుల ముందుకు రాబోతోన్న విక్టరీ వెంకటేష్ చిత్రం `బాడీగార్డ్`. దర్శకుడు గోపీచంద్ మలినేని ఇవాళ కడప పెద్ద దర్గాను సందర్శిచారు. `బాడీగార్డ్` చిత్రం ఘనవిజయం సాధించాలని ప్రార్థనలు జరిపారు. ఈ దర్గా పై తనకెంతో నమ్మకముందని తన సినిమా బ్లాక్ బస్టర్ గా నిలుస్తుందని గోపీచంద్ ఆశాభావం వ్యక్తం చేశారు.

          ఇదిలా ఉంటే `హి స్టీల్స్ యువర్ హార్ట్` ట్యాగ్ లైన్ తో ప్రేక్షకుల ముందుకు వస్తోన్న `బాడీగార్డ్` చిత్రానికి మలయాలం బ్లాక్ బస్టర్ మూవీ బాడీగార్డ్ మూలం. ఈ మూవీలో వెంకీ సరసన త్రిష హీరోయిన్ గా నటిస్తోంది. `డాన్ శీను` తో దర్శకునిగా తెరంగేట్రం చేసిన గోపీచంద్ మాలినేని ఈ చిత్రాన్ని డైరెక్ట్ చేసిన సంగతి తెలిసిందే. సంగీతం తమన్ అందించగా, బెల్లంకొండ సురేష్ నిర్మాత.

...avnk