Posted: 12/20/2011 06:23 PM IST

సోషల్ నెట్ వర్క్ బాధితుల్లో త్రిష కూడా చేరిపోయింది. ఆ మధ్య తనను వ్యక్తిగతంగా బాధిస్తున్నారంటూ ట్విట్టర్ అకౌంట్‌ని క్లోజ్ చేసుకుంది సమంత. కొంత మంది ఆకతాయిలు మనసు నొప్పించే విధంగా ట్విట్టర్‌లో మెసేజ్‌లు పోస్టు చేస్తున్నారని ఈ చెన్నై పొన్ను ఆరోపించింది. తాజాగా ఇలాంటి ఇబ్బందినే మరో చెన్నై సోయగం ఎదుర్కొంటోంది. తన ప్రమేయం లేకుండానే ట్విట్టర్‌లో ఫేక్ అకౌంట్‌ని ఓపెన్ చేసి తన పేరిట మెసేజ్‌లు, ఫొటోలు అప్‌లోడ్ అవుతున్నాయని త్రిష ఆందోళన చెందుతోంది.ఈ విషయాన్ని ఇటీవల ట్విట్టర్ మేనేజ్‌మెంట్ దృష్టికి కూడా తీసుకెళ్ళిందటఈ ముద్దుగుమ్మ. "కొద్ది రోజుల క్రితం నా ఒరిజినల్ ఐడీలో వున్న మెసేజ్‌ని కాపీ చేసి... నకిలీ ఐడీతో పోస్ట్ చేశారు. ఇది నాకు ఎంతో ఇబ్బందిగా అనిపించింది. అభిమానులు ఇది గ్రహించాలి'' అని త్రిష చెబుతోంది. ప్రస్తుతం త్రిష తెలుగులో వెంకటేశ్ సరసన 'బాడీగార్డ్' చిత్రంలోనూ, తమిళంలో విశాల్ సరసన ఓ చిత్రంలో నటిస్తోంది.