Posted: 12/10/2011 03:40 PM IST

సీనియర్ నటుడు కృష్ణ మేనల్లుడు సుధీర్‌బాబు హీరోగా నటిస్తున్న చిత్రం ‘ఎస్‌ఎంఎస్’ (శివ మనసులో శృతి). సూపర్‌గుడ్ ఫిలింస్ ఆర్‌బీ చౌదరి సమర్పణలో వేగ ఎంటర్‌టైన్‌మెంట్స్ ప్రై.లిమిటెడ్, హనీబీ ఎంటర్‌టైన్‌మెంట్స్ పతాకంపై విక్రమ్‌రాజు నిర్మిస్తున్న ఈ చిత్రానికి తాతినేని సత్య దర్శకుడు. చిత్రీకరణ పూర్తిచేసుకున్న ఈ చిత్రం విశేషాలను నిర్మాతలు తెలియజేస్తూ ‘ఇటీవల దుబాయ్‌లో జరిగిన చివరి పాట చిత్రీకరణతో షూటింగ్ పూర్తయింది. అన్ని వర్గాలను అలరించే ఈ ప్రేమకథలో కుబుంబ భావోద్వేగాలు కూడా మేళవించి దర్శకుడు చిత్రాన్ని చక్కగా రూపొందించాడు. తప్పకుండా సుధీర్ ఈ చిత్రంలో మంచి కమర్షియల్ హీరోగా పేరు తెచ్చుకుంటాడు’ అన్నారు.