కేశాలను ఆరోగ్యంగా వుంచే పోషకాహారాలు

Posted: 05/12/2015 01:44 PM IST

మహిళలు చాలా అందంగా కనిపించడంలో ‘కేశాలూ’ కీలకపాత్ర పోషిస్తాయి. నిగారింపైన చర్మానికి కేశాలు తోడతై ఆ అందం వర్ణనాతీతం! ప్రకాశిస్తున్న చర్మాన్ని మెరిసే మృదువైన కురులు వారి అందాన్ని మరింత రెట్టింపు చేస్తాయి. అటువంటి కేశాలను నిత్యం ఆరోగ్యంగా వుండేలా ఎన్నో జాగ్రత్తలు తీసుకోవాలి. లేకపోతే.. జుట్టుకు సంబంధించిన జాగ్రత్తలు తీసుకోకపోతే అవి పొడిబారిపోయి కాలక్రమంలో రాలిపోతాయి. దాంతో సౌందర్యం ఒక్కసారగా తొలిగిపోయి అందవిహీనంగా మారుతాయి. కాబట్టి.. కేశాలను ఆరోగ్యంగా వుంచుకోవాలి.

సౌందర్యాన్ని పెంపొందించే కేశాలను నిత్యం ఆరోగ్యంగా వుంచాలంటే పోషకాహారాలు తీసుకోవాలని బ్యూటీషియన్స్, ఆరోగ్య నిపుణులు వెల్లడిస్తున్నారు. ముఖ్యంగా పాల ఉత్పత్తులను ఎక్కువగా తీసుకుంటే చాలా మంచిదని అంటున్నారు. పాల ఉత్పత్తులైన చీస్, పాలు తాజాగా తయారుచేసిన యొగ్ హార్ట్ వంటివి తీసుకుంటే.. అవి శరీరంలో ఉండే ఎముకలను ధృఢంగా మార్చడంతోపాటు కేశాలనూ ఆరోగ్యంగా వుంచుతాయి. జుట్టు రాలిపోయే సమస్యను పూర్తిగా తగ్గించేసి.. సన్నగా వుండే జుట్టును మృదువుగా మార్చడంలో కీలకపాత్ర వహిస్తాయి.

కేవలం పాల ఉత్పత్తులే కాదు.. కొబ్బరి, ఆపిల్, క్యాబేజీ వంటి వాటివల్ల కూడా కేశాలకు చాలా రకాల ఉపయోగాలు ఉన్నాయి. వాటిల్లో మినరల్స్ అధిక మోతాదులో వుంటాయి. కాల్షియం, మెగ్నీషియం, జింక్ ఇతరేతర మినరల్స్ వున్న ఉపభాగాలను తీసుకుంటే కేశాలు ఆరోగ్యంగా వుంటాయని నిపుణులు అంటున్నారు. ప్రతిరోజూ ఉదయాన్నే ఒక పిడికెడు తెల్లటి నువ్వు విత్తనాలను తీసుకుంటే మంచిది. ఎందుకంటే.. పిడికెడు నువ్వు విత్తనాలలో 1,200 గ్రాముల క్యాల్షియం, మెగ్నీషియం ఉన్నాయని ఆరోగ్య నిపుణులు చెబుతున్నారు.