తెల్లజుట్టును నల్లగా మార్చే రెమెడీస్

Posted: 09/27/2014 03:54 PM IST

ఏ విధంగా అయితే నేడు ఫాస్ట్ జనరేషన్ రానురాను అభివృద్ధి చెందుతుందో.. అదేవిధంగా వాతావరణ పరిస్థితులు, ఆహారపు అలవాట్లలో మార్పులు రావడం వల్ల తక్కువ వయస్సులోనే జుట్టు తెల్లబడుతోంది. ఇది కేవలం ఒకరిద్దరికి మాత్రమే కాదు.. సమస్త లోకంలో వున్న ప్రతిఒక్కరి సమస్యే! అలాగే ఆఫీసు కార్యకలాపాల్లో ఎక్కువ ఒత్తిడికి గురైన సరే.. జుట్టు తెల్లబడటం కానీ, రాలడం గానీ జరుగుతుంది. దీంతో తక్కువ వయస్సులోనే జుట్టు తెల్లబడుతున్న కారణంగా చాలామంది తీవ్ర అసహనానికి గురవుతున్నారు. తమ జుట్టును నల్లబర్చుకునేందుకు ఎన్ని ప్రయత్నాలు చేసినప్పటికీ.. సాధ్యం కావడం లేదు. కొన్నాళ్లకే తిరిగి ఎక్కువ మోతాదులో జుట్టు తెల్లబడటం మొదలవుతోంది.

సాధారణంగా జుట్టును నల్లగా మార్చుకునేందుకు మార్కెట్లో రకరకాల హెయిర్ డైలు అందుబాటులో వున్నాయి. వాటిని జుట్టుకు రాసుకోవడం వల్ల జుట్టు నల్లగా నిగనిగలాడుతుంది కానీ.. దాని ప్రభావం కేవలం కొన్ని రోజులవరకు మాత్రమే వుంటుంది. అంటే.. హెయిర్ డైలను రాసుకున్న కొన్ని తరువాత జుట్టు తెల్లబడటం, వాటిని మళ్లీ రాసుకోవడం ఇలా నిత్యం చేసుకోవాల్సి వుంటుంది. అలాకాకుండా జుట్టు ఇంకా ఎక్కువ రోజులవరకు నల్లగా వుండాలంటే.. అందుకు సంబంధించిన కొన్ని హోమ్ రెమెడీస్ వున్నాయి. వాటిని తూచాతప్పకుండా పాటిస్తే.. కొద్దిరోజుల్లోనే మంచి ఫలితాన్ని పొందవచ్చు.

1. మొదటగా ఒక కప్పు ఎండు ఉసిరి, రెండు కప్పుల పెరుగు తీసుకుని ఒక ఇనుప గిన్నెలో రాత్రంతా నానపెట్టాలి . మరుసటి రోజు ఉదయం ఈ మిశ్రమాన్ని మాడుకు పట్టించాలి . ఇలా వారానికి ఒక సారి క్రమం తప్పకుండా చేస్తే తెల్లజుట్టు నల్లబడుతుంది .

2. ఒక కప్పు ఎండు ఉసిరిని నాలుగు కప్పుల నీళ్ళల్లో వేసి చిటికెడు పంచదార కలిపి మరిగించాలి . ఈ మిశ్రమం ఒక కప్పు మోతాదుకు వచ్చిన తరువాత ఇందులో రెండు కప్పుల హన్నా పొడి , గుడ్డు సోన , నిమ్మరసం కలపాలి . ఈ మిశ్రమాన్ని తలకు పట్టించి రెండు గంటల తరువాత తల స్నానం చేయాలి .

3. సరిపడా హెన్నా , గుడ్డు సోన , అర చెక్క నిమ్మరసం , ఒక టేబుల్ స్పూన్ ఇన్ స్టంట్ కాఫీ పొడి వేసీ బాగా కలపాలి . ఈ మిశ్రమాన్ని జుట్టుకు పట్టించి 45 నిమిషాలా తరువాత కడిగేయాలి .