Posted: 01/05/2013 01:28 PM IST

మొటిమలు యుక్త వయసులో చిరాకు పెట్టి, ఆందోళనకు గురిచేస్తుంటాయి. ఈ మొటిమలు నడివయస్సులోనూ వచ్చే అవకాశం లేకపోలేదు. చర్మం అదనంగా విడుదలచేసే నూనెల వల్ల మొటిమలు వస్తాయి. నూనెతో మూసుకుపోయిన చర్మరంథ్రాలు. మృతకణాలు, చీముతో కాని చీము లేకుండా కాని వుండే బ్యాక్టిరియా మొటిమల్ని అధికం చేస్తాయి. చీము నిండివున్న మొటిమను గిల్లినా, అది పగిలినా బ్యాక్టిరియా, మృతకణాలు చుట్టుపక్కల అంటి మరింతంగా మొటిమలు పెరిగేందుకు కారణం అవుతుంది. సాధారణంగా 85 శాతం మందికి 12-24 సంవత్సరాల నడుమ ఈ సమస్య వుంటుంది. 35 సంవత్సరాల తర్వాత మొటిమలు కనిపించవు గాని, 40-50 సంవత్సరాల నడుమ మళ్ళీ సమస్య మొదలు కావచ్చు. ముఖాన్ని ఏదైనా తేలికపాటి క్లెన్సర్ లేదా ఫేస్‌వాష్‌తో గోరువెచ్చని నీటితో రోజుకు ఒకటి, రెండుసార్లు మాత్రమే కడుక్కోవాలి. ఆయిలీ హెయిర్ వున్నవారు, ప్రతిరోజు తల స్నానం చేయాలి. ముఖంపై జట్టుపడకుండా దువ్వుకోవాలి. జిడ్డుగా వుండేకాస్మొటిక్స్, మేకప్ ఉపయోగించుకుంటే మొటిమలు తగ్గుతాయి. మొటిమల్ని గిల్లడం, పిండడం వంటివి అస్సలు చేయకూడదు. ముఖాన్ని గట్టిగా రుద్దరాదు. వీలైనంత ఎక్కువ నీరు తాగుతుండాలి. ముఖాన్ని పదేపదే తడమడం, వేళ్ళతో మొటిమలుపై రాయడం చేయకూడదు. చర్మం తత్వాన్ని అనుసరించి వేపాకు, పసుపు వంటివి రాస్తూ చిట్కావైద్యాలూ చేయవచ్చు.