'మామ' ప్రవేశ పెట్టిన ఒరవడి

Posted: 05/08/2013 03:28 PM IST

శిలలపై శిల్పాలు చెక్కినారు (మంచి మనసులు), మావ మావ మావ. (మంచి మనసులు), చదువురానివాడవని దిగులు చెందకు (ఆత్మబంధువు), ముద్ద బంతి పూవులో మూగకళ్ళ ఊసులు (మూగమనసులు); మెల్లమెల్ల మెల్లగ (దాగుడుమూతలు) చిటపటచినుకులు పడుతూఉంటే (ఆత్మబలం); అదిగో నవలోకం (వీరాభిమన్యు), వెన్ ఐ వాజ్ యంగ్ - అత్త వడి పువ్వువలె మెత్తననమ్మ (నమ్మినబంటు), దివి నుండి భువికి దిగివచ్చె దిగివచ్చె (కన్నె మనసులు), కొత్త పెళ్ళికూతురా రా రా (సుమంగళి), నీవు నా ఊహలందే నిలిచావు (ఇల్లాలు), నిను వీడని నీడను నేనే (అంతస్థులు), ఈ ఉదయం నా హృదయం (కన్నె మనసులు), సోగ్గాడే చిన్ని నాయనా (ఆత్మబలం), వినరా సోదర భారత యోధుల విజయ గాధ నేడు; ఎవరికి వారె ఈ లోకం రారు ఎవ్వరు నీ కోసం (సాక్షి), ఇలా ఈ సంగీత దర్శకులు కట్టిన దాదాపు ప్రతీ బాణీ మనకు సుపరిచితం ...

తెలుగు సినిమా సంగీతం కొత్త పుంతలు తొక్కుతున్నా కూడా , ఈ నాటికీ ఈ సంగీత దర్శకుడి ఎన్నో పాటలు మనం ఆలాపన చేస్తుంటాం , కనీసం అప్పుడప్పుడూ కూని రాగాలైనా తీస్తుంటాం ... అంతగా మారుతున్న కాలం తో సంబంధం లేకుండా , మనల్ని కట్టి పడేసిన ఈ భానీలు , 'మామ' కాక ఇంకెవరు సమకూర్చగాలిగేవారు చెప్పండి ??? యావత్ దక్షిణాధి సినీ పరిశ్రమ అంతా కూడా ముద్దుగా పిలుచుకునే 'మామ' సంగీత దర్శకులు కే . వీ . మహదేవన్ ...

దాదాపు రెండు దశాబ్దాలకు పైగా , ప్రతీ తెలుగు చిత్రానికి ఈయనే సంగీతం అందించారు , ఏ బాణీ కూడా , కాపీ కొట్టబడింది కాక , ప్రతీ బాణీ మనకు కొత్తగా ఉన్న అనుభూతి కలిగించిందే అంటే అది కేవలం 'మామ' కు మాత్రమే సాధ్యం ...

పింగళి , పెండ్యాల , ఘంటసాల వారి స్వరాల శైలికి అలవాటు పడ్డ తెలుగు సినీ ప్రేక్షకులకు , కమర్షియల్ సినిమాలు ఎలా అయితే నూతనత్వాన్ని సమకూర్చాయో అలాగే 'మామ' బాణీలు కూడా , ఒక సరికొత్త లోకం లో విహరించేలా చేసాయి ... 'మనసే కోవెలగా ' అనే వినసొంపైన గీతం విన్నా , 'మామ మామ ... ' అనే హుషారెత్తించె పాట విన్నా , విరహ గీతం , ఆలోచింప చేసే పాట , మనలో నూతన ఆత్మా స్థైర్యాన్ని నింపే గీతం , ఇలా ఒకటేమిటి , నవరసాలనీ తన బానీల ద్వారా ఆవిష్కరించిన సంగీత దర్శకులు మహదేవన్ ... అందుకేనేమో ఇక ఏ సంగీత దర్శకుడు కూడా తెలుగు సినిమా సంగీతం చెయ్యాలి అని కనీసం ఆలోచించలేని విదంగా , నిర్విరామం గా కొన్ని సంవత్సరాల పాటు మహదేవన్ తెలుగు సినీ సంగీత లోకానికి రారాజయ్యారు ... నేటికీ విరాజిల్లుతున్నారు ... భౌతికంగా , అలనాటి మేటి నటులు , సంగీత దర్శకులు , హాస్య నటులు , రచయితలు , ఇలా ఎంతోమంది మన మధ్య లేకపోయినా ఎలా అయితే మనం వీరిని ఎప్పటికీ మరచిపోలేమో , మహదేవన్ సంగీతం కూడా ఇలా చిరస్మరణీయమే ...

ఇతర ఏ సంగీత దర్శకుడు చెయ్యని విధంగా సాహసం చేసి , తాను కష్టపడ్డా మహదేవన్ సంగీతం లో ఒక కొత్త ఒరవడిని సృష్టించారు ... అదే ముందు పాత రచయితకు పూర్తి స్వేచ్చనిచ్చి, పాటకు మాట సమకూరిన తరువాతే , తదనుగుణంగా బాణీలు సమకూర్చడం ...

దర్శకుడు , రచయితా వారి తిప్పలు వారు పడతారు, మనం బాణీలు ఇస్తే చాలు కదా అని అనుకోకుండా , సందర్భానికి , మాటకీ అతికినట్టు పాట ఉండాలి అన్న ఉద్దేశం తో మామ ప్రవేశ పెట్టిన ఈ ఒరవడి , నేటికీ ఎందరో టాప్ సంగీత దర్శకులు ఆచరిస్తున్నారు అంటే , మామ గొప్పతనం ఎంతటిదో మరొక్కసారి రుజువవుతోంది ...

కేరళ లో పుట్టి , తమిళ నాట పెరిగి , ఈ రెండు భాషల సినిమా ల కన్నా ఎక్కువగా , తెలుగు సినీ సంగీతానికి రారాజు గ ఎదిగిన మహదేవన్ , సంగీతాన్ని - సాహిత్యాన్ని కూడా సమానంగా గౌరవించాలి అనే సిద్ధాంతాన్ని నమ్మే ఎంతో మంది సినీ దిగ్గజాలకు , సంగీత దర్శకులకు ఆదర్శం ...